Садыр Жапаров: 1-октябрдан тарта бардык тармакта айлык көтөрүлөт

© Sputnik / Табылды КадырбековАкча каражаттары. Архив
Акча каражаттары. Архив - Sputnik Кыргызстан, 1920, 30.05.2022
Жазылуу
Yandex newsTelegram
Журналист буга чейин мугалимдердин маянасы жогорулаганын эске салып, башка тармактарда эмгек акы качан көтөрүлөрүнө кызыкты.
БИШКЕК, 30-май — Sputnik. Кыргызстанда 1-октябрдан тарта бардык тармактарда айлык акы көтөрүлөт. Бул тууралуу президент Садыр Жапаров "Кабар" агенттигине берген маегинде айтты.
Журналист буга чейин мугалимдердин маянасы жогорулаганын эске салып, башка тармактарда эмгек акы качан көтөрүлөрүнө кызыккан.
Президент "соңку жылдары окуучулардын билим деңгээли абдан төмөндөп кеткенин, андыктан мугалимдерге жакшы шарт түзүп берип, сапатты жакшыртуу керектигин" айтты.
"Ал эми калган тармактардыкын 1-октябрдан тартып көтөрөбүз. Кыскасы, бул жылы эмгек акыбыз аз деген теманы жаап, эмдиги жылдан баштап бир гана экономиканы көтөрүү, элдин жыргал жашоосун камсыз кылуу менен алек бололу деген планыбыз бар", — деди Жапаров.
1-апрелден тарта мугалим, актер, китепканачы сыяктуу социалдык, маданият, саламаттык сактоо тармактарынын 309 миңге жакын кызматкерлеринин эмгек акысы жогорулаган. Ага 2022-жылдын 9 айына кошумча 26 миллиард сом бөлүнгөнү айтылган.
Сабак өтүп жаткан мугалим. Архив - Sputnik Кыргызстан, 1920, 29.04.2022
Мугалимдерди кубанткан айлык… Соцтармактагы сүйүнүч кабар
Жаңылыктар түрмөгү
0