Кыргызстан күйүүчү майды Россиядан рубль менен сатып ала баштады

© AP Photo / Daniel ColeКүйүүчү май жүктөлгөн унаалар. Архив
Күйүүчү май жүктөлгөн унаалар. Архив - Sputnik Кыргызстан, 1920, 25.05.2022
Жазылуу
Yandex newsTelegram
Россиялык валюта менен сатып алуунун башталганына 20 күн болуп калган.
БИШКЕК, 25-май — Sputnik. Кыргызстан күйүүчү майды Россиядан рубль менен сатып ала баштады. Бул туурасында Монополияга каршы жөнгө салуу кызматынын жетекчиси Кеңешбай Тайлаков парламентте билдирди.
"Бүгүнкү күндө биздин нефтетрейдерлердин 70 пайызы рубль, 30 пайызы доллар түрүндө алып жатат. Мындай тартипте сатып алуу башталганына 20 күн болуп калды", — деди Тайлаков.
Ал эми депутат Дастан Бекешев доллар кымбат кезинде күйүүчү майды доллар менен, арзандаса рубль менен сатып алуу келишимине нааразычылыгын билдирди.
"Бул жагы кызык болуп жатат. Буга чейин рубль менен алалы десек Россия макул болбой жатат дегенсиңер", — деди депутат.
Ошондой эле Тайлаков Россияда күйүүчү майга ички рынок үчүн төмөн, экспортко жогорку баа коюлганын айтты. Ал бүгүн саат 14:00дө ЕЭК министрлеринин жыйыны болорун, анда экспорттук баанын жогору болушу тууралуу маселе көтөрөрүн кошумчалады.
Жогорку Кеңештин депутаты Жанар Акаев. Архив - Sputnik Кыргызстан, 1920, 25.05.2022
Акаев: Ширшовдун схемасы валюта рыногуна кирип, өлкөдөн доллар чыгарып кетүүдө
Жаңылыктар түрмөгү
0