Радиостудия Sputnik Кыргызстан в Бишкеке - Sputnik Кыргызстан, 1920
Радио

Жусурова: кир аба адамдын иммунитетин түшүрөт

© Sputnik / Табылды КадырбековМамлекеттик санитардык-эпидемиологиялык кɵзɵмɵл борборунун санитардык дарыгери Бурул Жусурова
Мамлекеттик санитардык-эпидемиологиялык кɵзɵмɵл борборунун санитардык дарыгери Бурул Жусурова - Sputnik Кыргызстан, 1920, 25.04.2022
Жазылуу
Мамлекеттик санитардык-эпидемиологиялык кɵзɵмɵл борборунун санитардык дарыгери Бурул Жусурова Бишкектин кир абасынын ден соолукка тийгизген таасири тууралуу айтып берди.
Жаз келери менен адамдар тегерек-четти жыйнап, бирок ошол таштандыларды өрттөп, жаратылыш койнуна барганда калдыктарды таштап кетип жатат. Мунун баары абага зыяндуу заттарды бөлүп чыгарат. Бала бакчадан баштап айлана-чөйрөгө аяр мамиле жасоо керектиги үйрөтүлүп, ар бир адам бул маселеге жоопкерчиликтүү болушу керек. Мындай пикирин Бурул Жусурова Sputnik Кыргызстан радиосунда маек куруп жатып билдирди.
Жусурова: кир аба адамдын иммунитетин түшүрөт
Анын айтымында, кир аба астма, бронхит жана пневмония өңдүү өпкө ооруларын козгойт.
"Булганган абада кармалган зыяндуу заттардан улам өпкө жабыркайт. Мындан тышкары, канцерогендер жана оор металлдар жүрөк-кан тамыр системасына терс таасирин тийгизип, рактын козгогучу болуп саналат. Албетте, оорулуулардын өсүшүнө түтүндүн түздөн-түз тиешеси жок. Бирок булгоочу заттар ден соолукка абдан зыяндуу болгондуктан кир абадагы майда бөлүкчөлөр кан аркылуу ички органдарга жетип, өнөкөт ооруларды козгоп же убакыттын өтүшү менен кесепетин тийгизет. Мисалы, кир аба кан басымы жогору, улгайган жана жаш балдарга бир топ эле терс таасир этет. Абанын булганышы астма, бронхит жана пневмония өңдүү өпкө ооруларын козгойт. Ошондой эле көздүн чели, тамак, мурун каңылжарынын сезгениши байкалууда. Андан тышкары, аллергия жана тери оорулары да кир абадан улам пайда болушу мүмкүн", — деди Жусурова.
Ал кир аба адамдын иммунитетин түшүрөрүн эскертип, андыктан мүмкүн болсо бишкектиктер абаны тазалоочу аппараттарды колдонуусу керектигин кошумчалады.
Жаңылыктар түрмөгү
0