https://sputnik.kg/20220328/okmot-kazino-achuunu-demilgeledi-1063208513.html
Өкмөт казино ачууну кайрадан демилгелеп, аны шашылыш кабыл алууну сунуштады
Өкмөт казино ачууну кайрадан демилгелеп, аны шашылыш кабыл алууну сунуштады
Sputnik Кыргызстан
Кумар оюндарын ойноого 21 жаштан жогорку чет өлкөлүк жарандар гана киргизилет. 28.03.2022, Sputnik Кыргызстан
2022-03-28T16:06+0600
2022-03-28T16:06+0600
2022-03-28T16:07+0600
кыргызстан
саясат
кумар оюндары
казино
ачуу
https://sputnik.kg/img/07e5/04/1b/1052283742_0:0:3068:1727_1920x0_80_0_0_a7c701aa23e7333e338cef20f79c305b.jpg
БИШКЕК, 28-мар. — Sputnik. Экономика жана коммерция министрлиги "Оюн-зоок иши жөнүндө" мыйзам долбоорун иштеп чыгып, коомдук талкууга койду.Максаты — инвестицияларды тартууну стимулдаштыруу жана республикалык бюджеттин киреше бөлүгүн көбөйтүү үчүн жагымдуу шарттарды түзүү.Долбоорлорго ылайык, өлкө аймагындагы оюн-зоок жайларынын ишин мамлекеттик жөнгө салуунун укуктук негиздери, түшүнүктөр, оюн-зоок жайларын түзүүнүн жана күтүүнүн тартиби, кумар оюндарын уюштуруу жана аны лицензиялоо, көзөмөлдөө, ошондой оюн-зоок ишинин субъектилеринин жоопкерчилиги аныкталган.Кумарканаларды ата мекендик жана чет элдик компаниялар ачууга укуктуу. Мындай оюндарды ойноого 21 жаштан жогорку чет өлкөлүк жарандар гана киргизилет.Экономика министрлиги бул кечиктирилгис мыйзам долбоору деп эсептейт. Андыктан Жогорку Кеңешке бир эле учурда топтому менен үч окууда дароо кароону сунуштап жатат.Демилгечилер кесепети тууралуу эмне дейт?Аталган долбоорду кабыл алуу кандайдыр бир социалдык, экономикалык, укуктук, укук коргоочулук, гендердик, экологиялык, коррупциялык кесепеттерге алып келбейт.Улуттук жана эл аралык мыйзамдардын колдонуудагы ченемдерине талдоо жүргүзүүнүн жыйынтыгы боюнча сунушталган долбоор колдонуудагы мыйзамдардын, ошондой эле ратификацияланган эл аралык келишимдердин ченемдерине карама-каршы келбейт. Ушул долбоорду кабыл алуу республикалык бюджеттен кошумча чыгымдарды талап кылбайт.Ал жеткис күчтүн жагдайларынын шарттарында, кризистен кийинки экономиканы калыбына келтирүү максатында, мыйзам долбооруна жөнгө салуучу таасирин талдоо жүргүзүлгөн эмес.Эске салсак, Жогорку Кеңештин VI чакырылышынын депутаттары Бактыбек Турусбеков жана Дастан Жумабеков былтыр апрель айында Ысык-Көлгө казино ачууга уруксат берген мыйзам долбоорун сунуштаган. Мамлекет башчы Садыр Жапаров дагы бул идеяны колдой турганын билдирген. Бирок каршы чыккандар дагы болуп, талаш жаралган. Аталган демилге ЖКда биринчи окуудан өтүп, кийин ошол бойдон каралган эмес.
https://sputnik.kg/20220328/buu-ukraina-krizisi-achkachylyk-bolot-1063199866.html
https://sputnik.kg/20220326/investiciya-zharandyk-beruu-myyzam-dolbooru-1063149485.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, кумар оюндары, казино, ачуу
кыргызстан, саясат, кумар оюндары, казино, ачуу
Өкмөт казино ачууну кайрадан демилгелеп, аны шашылыш кабыл алууну сунуштады
16:06 28.03.2022 (Жаңыртылды: 16:07 28.03.2022) Кумар оюндарын ойноого 21 жаштан жогорку чет өлкөлүк жарандар гана киргизилет.
БИШКЕК, 28-мар. — Sputnik. Экономика жана коммерция министрлиги "Оюн-зоок иши жөнүндө" мыйзам долбоорун иштеп чыгып, коомдук талкууга койду.
Максаты — инвестицияларды тартууну стимулдаштыруу жана республикалык бюджеттин киреше бөлүгүн көбөйтүү үчүн жагымдуу шарттарды түзүү.
Долбоорлорго ылайык, өлкө аймагындагы оюн-зоок жайларынын ишин мамлекеттик жөнгө салуунун укуктук негиздери, түшүнүктөр, оюн-зоок жайларын түзүүнүн жана күтүүнүн тартиби, кумар оюндарын уюштуруу жана аны лицензиялоо, көзөмөлдөө, ошондой оюн-зоок ишинин субъектилеринин жоопкерчилиги аныкталган.
Кумарканаларды ата мекендик жана чет элдик компаниялар ачууга укуктуу. Мындай оюндарды ойноого 21 жаштан жогорку чет өлкөлүк жарандар гана киргизилет.
"Жоопкерчилиги чектелген коом же жабык акционердик уюмдар гана оюн-зоок иштерин жүргүзүүгө укуктуу. Уюм өз ишин мамлекеттик орган тарабынан берилген лицензиянын негизинде жүргүзөт. Кумар оюндары ишкерликтин лицензияланган түрү болот. Лицензиялык төлөмдүн суммасын министрлер кабинети аныктайт", — деп жазылат маалыматтык негиздемесинде.
Экономика министрлиги бул кечиктирилгис мыйзам долбоору деп эсептейт. Андыктан Жогорку Кеңешке бир эле учурда топтому менен үч окууда дароо кароону сунуштап жатат.
28 Жалган Куран 2022, 11:57
Демилгечилер кесепети тууралуу эмне дейт?
Аталган долбоорду кабыл алуу кандайдыр бир социалдык, экономикалык, укуктук, укук коргоочулук, гендердик, экологиялык, коррупциялык кесепеттерге алып келбейт.
Улуттук жана эл аралык мыйзамдардын колдонуудагы ченемдерине талдоо жүргүзүүнүн жыйынтыгы боюнча сунушталган долбоор колдонуудагы мыйзамдардын, ошондой эле ратификацияланган эл аралык келишимдердин ченемдерине карама-каршы келбейт.
Ушул долбоорду кабыл алуу республикалык бюджеттен кошумча чыгымдарды талап кылбайт.
Ал жеткис күчтүн жагдайларынын шарттарында, кризистен кийинки экономиканы калыбына келтирүү максатында, мыйзам долбооруна жөнгө салуучу таасирин талдоо жүргүзүлгөн эмес.
Эске салсак, Жогорку Кеңештин VI чакырылышынын депутаттары Бактыбек Турусбеков жана Дастан Жумабеков былтыр апрель айында Ысык-Көлгө казино ачууга уруксат берген мыйзам долбоорун сунуштаган. Мамлекет башчы Садыр Жапаров дагы бул идеяны колдой турганын билдирген.
Бирок каршы чыккандар дагы болуп, талаш жаралган. Аталган демилге ЖКда биринчи окуудан өтүп, кийин ошол бойдон каралган эмес.
26 Жалган Куран 2022, 10:34
