Жеке эле генетикадан эмес... Тиштин өңүн буза турган себептер аталды

© Фото / Pexels / Greta HoffmanТишин жууган кыз. Архивдик сүрөт
Тишин жууган кыз. Архивдик сүрөт - Sputnik Кыргызстан, 1920, 21.03.2022
Жазылуу
Адистин айтымында, зат алмашууга байланыштуу оорулар, химия терапиясы өңдүү медициналык процедуралар тиштин өңүн өзгөртөт.
БИШКЕК, 21-мар. — Sputnik. Тиштин өңүнүн ойдогудай болбошу генетикага эле эмес, ичкен тамак-ашка, дары-дармекке да байланыштуу. Бул туурасында РИА Новостиге Москванын Саламаттык сактоо департаментинин штаттан тышкаркы башкы стоматологу Игорь Золотницкий айтып берди.
Анын билдиришинче, кофе, чай, газдалган суусундук, мөмө-жемиштин пигменти тиштин сыртына сиңип калып, түптөрүн карайтат. Ошондой эле айлана-чөйрө, анын ичинде фтор камтылган тамак-аш менен сууну пайдалануу да тиштин эмалына зыян.
Ошондой эле зат алмашууга байланыштуу оорулар, химия терапиясы өңдүү медициналык процедуралар тиштин өңүн өзгөртөт.
Мындан сырткары, дары-дармек, анын ичинде антидепрессанттар, антигистаминдик каражаттар, кан басымды жөнгө салган таблеткалар жана башка препараттар өзүнүн терс таасирин берет.
Андан тышкары, генетикадан дагы болот. Тишинин эмалы калың жана бекемдерге сырткы факторлор кесепетин көп тийгизе албайт. Жаш куракка байланыштуу өзгөрүүлөрдөн улам тиш саргайып же карарып кетери турган иш экени белгиленет.
Стоматолог белгилегендей, тиштин табигый өңү аппак эмес, агышыраак жана тунук болот. Ошондой эле адис тишти агартуучу процедуранын баары эле коопсуз эмес экенин кошумчалады.
Жаңылыктарды кыска жана ыкчам окугуңуз келсе Telegram каналыбызга катталыңыз.
Тиш жуугун щетка. Архив - Sputnik Кыргызстан, 1920, 11.06.2021
Тамактан кийин шашпагыла. Адис тишти кайсы учурда жууш керектигин айтты
Жаңылыктар түрмөгү
0