Үйбү же автоунаабы? Ири суммадагы акчаны кайда жумшаган оң

© Фото / Pixabay/ SchluesseldienstБатирдин ачкычын кармап турган адам. Архив
Батирдин ачкычын кармап турган адам. Архив - Sputnik Кыргызстан, 1920, 25.02.2022
Жазылуу
Адистин айтымында, автоунаалар рыногун жакшы түшүнө бербеген, катардагы кишиге кыймылсыз мүлк алуудан өтөрү жок.
БИШКЕК, 25-фев. — Sputnik. Күтүүсүздөн пайда болгон же атайылап чогултулган ири суммадагы акчага үй сатып алган туурабы же автоунаабы? Бул суроого РИА Новости агенттигине берген маегинде юрист, финансы маселелери боюнча кеңешчи Виктория Шергина түшүндүрдү.
Адистин айтымында, автоунаалар рыногун жакшы түшүнө бербеген, катардагы кишиге кыймылсыз мүлк алуудан өтөрү жок.
"Эгер ремонттолгон болсо, ага эч бир акча салбай туруп ижарага берип коёсуз. Ошол күндөн тарта ал ээсине киреше алып келе баштайт. Негизи эле үй машинага караганда аз акча талап кылат. Ал эми катардагы, массалык түрдө чыккан автоунаа күнүмдүк киреше бербесе, көп акча алып келбейт. Анткени ал жыл өткөн сайын эскирип, баасы түшөт. Ошондой эле техникалык кароосуна дайыма каражат керек болот", — деди Шергина.
Ошол эле учурда адис автоунаа кайсы учурда жакшы киреше алып келерин айтып берди.
"Классикалык, сейрек кездешүүчү жана ретро автоунаалардын жыл өткөн сайын баасы көтөрүлөт. Бирок аларды коллекциялап же алып-сатуу үчүн тармакты жакшы түшүнгөн, мыкты адис болуш керек. Эч нерсени түшүнбөй туруп, өзгөчө машина алып-сатып байып кетем деп ойлобош керек Анын үстүнө буга көп акча талап кылынат", — деди юрист.
Сөзүнүн соңунда ал кыймылсыз мүлктүн артыкчылыгына кайрылып, аны кийин балдарга мурас катары калтырса да пайда алып келерин кошумчалады.
Биржа. Архив - Sputnik Кыргызстан, 1920, 20.12.2021
2022-жылы акчаны кантип көбөйтсө болорун адис айтып берди
Жаңылыктар түрмөгү
0