Бийлик аткаминерлерди "кара тизмеге" киргизүүнү пландап жатат

© Sputnik / Табылды КадырбековПортфель кармап турган адам. Архив
Портфель кармап турган адам. Архив - Sputnik Кыргызстан, 1920, 26.01.2022
Жазылуу
Терс негиздер боюнча жумуштан бошотулгандардын аты-жөнү реестрге киргизилип, коомчулукка жарыяланат.
БИШКЕК, 26-янв. — Sputnik. Министрлер кабинети мамлекеттик жана муниципалдык кызматтарга ишке алууга тыюу салынган "кара тизме" түзүүнү пландап жатат.
Мындай демилге 2026-жылга чейин Кыргыз Республикасын өнүктүрүүнүн улуттук программасын ишке ашыруу боюнча бекитилген планда жазылган.
Үстүбүздөгү жылдын төртүнчү кварталында мурда коррупция же мамлекеттик/муниципалдык мүлктү уурдоо менен байланышкан кылмыштар үчүн соттолгон адамдарды кызматка алууга тыюу салган мыйзам долбоорун иштеп чыгуу каралган. Мындай чектөө соттуулугу жоюлгандарга да тиешелүү болот.
Ошондой эле кызматтан терс негиздер боюнча бошотулган адамдардын реестрин түзүп, аны баарына ачык жарыялоо пландалууда. Бул реестрге киргизилгендер да кайра кызматка дайындалбайт.
Мындан сырткары, жылдын экинчи кварталында мамлекеттик кызматтарга барууга белсенген талапкерлерге коюлчу квалификациялык талаптардын долбоору иштелип чыгары жазылган.
Бишкектеги Ала-Тоо аянтындагы митинг. Архив - Sputnik Кыргызстан, 1920, 23.01.2022
Кыргыз бийлиги изилдөө жүргүзүп, эл эмнеге нааразы экенин билүүгө белсенди
Жаңылыктар түрмөгү
0