https://sputnik.kg/20220118/azaptuu-sankciyalar-opurtalduu-opuzalar-1061331380.html

"Азаптуу" санкциялар, опурталдуу опузалар, Ак үйдөгү бириндеген демилгелер

"Азаптуу" санкциялар, опурталдуу опузалар, Ак үйдөгү бириндеген демилгелер

Sputnik Кыргызстан

Россия менен АКШнын Женева сүйлөшүүлөрүнө даярдык жүрүп жаткан маалда өнөктөштөр макулдаша албай калышса эмне болоруна баары кызыгып, ар кандай жоромолдоп... 18.01.2022, Sputnik Кыргызстан

2022-01-18T20:13+0600

2022-01-18T20:13+0600

2022-01-18T20:13+0600

ой-пикир

дүйнөдө

саясат

акш

санкциялар

сүйлөшүүлөр

келишим

коопсуздук

пикир

кепилдик

https://sputnik.kg/img/103734/47/1037344794_0:137:3157:1912_1920x0_80_0_0_5076c7eb822465aeb52c706848a81ec1.jpg

Эки тарап бир пикирге келе албады, анткен менен өтө коркунучтуу жагдай деле жаралганы жок. Америкалыктар кайрадан санкция киргизүүгө умтулганы аргасыз жылмайтат деп эсептейт Максим Соколов. Серепчинин ушул маселе тегерегиндеги ой толгоосу РИА Новости сайтына жарыяланган.Конгрессте санкция тууралуу демилгелер эл өкүлдөрүнө жагат чыгар, бирок коомчулукта куру убара деген тейдеги маанай бар сымалданат. Эгер Россия Украинага кол салса, Вашингтон ага ар кандай чараларды көрөт деген опузалар жашыруун деле болбой калбадыбы.SWIFT тутумунан Россияны өчүрүү менен бир нече жылдан бери коркутуп келишет. Санкциялар тандалган үч же андан ашыгыраак банкка салынышы күтүлөт. Ондогон каржылык мекемелердин (Сбербанк, ВТБ, Газпромбанк, Россиялык түз инвестициялар фонду, Альфа-банк, Россельхозбанк жана башка) тизмегинен Ак үй администрациясы айыптуу же Кремлдин көңүлүн көбүрөөк чөгөртө турган үч банкты бөлүп көрсөтүшү мүмкүн. Маселен, Альфа-банктын жетекчилиги Лондондо жайгашканына бир топ болгону менен ага кандайдыр бир кысым көрсөтүү күч органдары үчүн чоң сокку болот.Анан да президент, премьер, тышкы иштер жана коргоо министрине жеке санкциялар эми турулуу иш эмеспи. Бирок кандай гана дипломатия болбосун, ал дипломатиялык агент өз өлкөсүнүн жогорку бийлигинин атынан сүйлөйт. Эгер АКШ конгресси жана администрациясы мындан ары Россиянын президенти алар үчүн эч ким эмес деп жарыялап салса, анда өз ара кызыкчылыктагы маселелерди алар ким менен чечишет?Ошол эле учурда азаптуу санкциялар эл өкүлдөрүнүн гана ойдон чыгарганы эмес, АКШ администрациясынан колдоо тапкан демилге экени да айтылат. Үрөй учурчудай туюлар, бирок Вашингтондогу Ак үйдө ар ким ар багытка тартаары маалым. Бирдиктүү эрк деген түшүнүк эбак жок болгон.Женева сүйлөшүүлөрүндөгү Кошмо Штаттардын өкүлү андай долбоорду колдоо менен кеп түз аскерий кол салуу гана эмес, "украиналык калк суранбаган кандайдыр өзгөрүүлөрдү жүргүзүү жана өлкө бийлигине кандайдыр доо кетирүү аракеттери үчүн" да ушундай жаза берилерин тактаганын айтпай кетпесек болбос. Жөнөкөйлөтүп айтканда, санкциялар согуштук аракеттер болсо да, болбосо да салынарын айтты. Украиналык бийликтин солгундап турганы турган, ал кокус тайып кетсе да ага Москваны айыпташары айдан ачык.XVI кылымда англиялык король Генрих VIII өзүнүн кичинекей уулу Эдуард VIны ошондой эле өспүрүм Мария Стюарт менен үйлөндүрө албай калганда өзүнө жакпаган кадамга барган Шотландияга санкция салып: "Эдинбургду жер менен жексен кылып салгыла, алдыңардан чыккан айылдарды талкалап, Лейт жана башка шаарларды талоонго таштап, каршылык көрсөткөн чыкса, эркек, аял жана бала экенине карабай аёосуз аткыла", – деп буйрук бергени тарыхта айтылат. Генрих VIIIдин ошол жоругуна салыштырмалуу азыркы америкалык администрациянын кылыгы жумшактык эмей эмне?

https://sputnik.kg/20220114/batysh-koopsuzduk-kepildigin-beruudon-bash-tartty-1061224574.html

https://sputnik.kg/20220114/sergej-lavrov-bildiruu-urunttuu-uchurlary-1061245498.html

акш

2022

Жаңылыктар

kg_KG

ой-пикир, дүйнөдө, саясат, акш, санкциялар, сүйлөшүүлөр, келишим, коопсуздук, пикир, кепилдик, колумнисттер, россия