ИДП 723 млрд. сомду түздү. Кайсы тармак өсүп, кайсынысы артка кетип жатат

© Sputnik / Жоомарт УраимовДефицит республиканского бюджета в КР
Дефицит республиканского бюджета в КР - Sputnik Кыргызстан, 1920, 15.01.2022
Жазылуу
Соода жаатында экспорттун көлөмү 20,1 пайызга азайып, импорт 43,9 пайызга жогорулаган.
БИШКЕК, 15-янв. — Sputnik. Кыргызстандын ички дүң продукциясы өткөн жылы 723 миллиард сомду түзүп, 2020-жылга салыштырмалуу 3,6 пайызга жогорулады. Бул туурасында Улуттук статистика комитети билдирди.
Ал эми Кумтөр кенинин өндүрүшүн эсепке албаганда ички дүң продукциянын көлөмү 668 миллиард сом болуп 3,9 пайызга өскөн.
Былтыр өнөр жай продукциясынын көлөмү 357 миллиард сомду түзүп, өсүү темпи тогуз пайызга жогорулаган. Ошол эле учурда дүң жана чекене сатыкта 10,5 пайыз өсүү болгон. Ал эми курулуш тармагы 4,8, айыл чарбасы 5 пайызга төмөндөгөн.
Ошондой эле Статком керектөө баалары 11,2 пайызга кымбаттаганын белгиледи. Тагыраак айтканда, тамак-аш азыктары жана алкоголсуз суусундуктар 13,3, алкоголдук ичимдиктер жана тамеки 14,4, азык-түлүк эмес товарлар 9,7, кызмат көрсөтүүнүн тарифтери 7,1 пайызга өскөнү байкалган.
Кыргызстандын тышкы жана өз ара соодасынын көлөмү 6,3 миллиард долларды түзүп, 2020-жылга салыштырмалуу 21,4 пайызга көбөйгөн. Ошол эле учурда экспорттун көлөмү 20,1 пайызга азайып, импорт, тескерисинче, 43,9 пайызга жогорулаганы маалым болду.
Кумтөрдөн казылган алтынды кантип ылгап алышат? Фабрикадан тартылган видео - Sputnik Кыргызстан, 1920, 14.01.2022
Кумтөрдөн казылган алтынды кантип ылгап алышат? Фабрикадан тартылган видео
Акча каражаттары. Архив - Sputnik Кыргызстан, 1920, 14.01.2022
Айлыкты күтүп отурбай… Кошумча кирешени кайдан кантип табууга болот?
Жаңылыктар түрмөгү
0
Алгач жаңыларыАлгач эскилери
loader