https://sputnik.kg/20220113/kyrgyz-ssrine-kelgen-mongol-delegaciyasy-1061207518.html
Кыргыз ССРи менен түз мамиле курган Монголия. 30 жыл мурунку видео
Кыргыз ССРи менен түз мамиле курган Монголия. 30 жыл мурунку видео
Sputnik Кыргызстан
Быйыл апрелде расмий Бишкек менен Улан-Батордун ортосунда дипломатиялык алака түзүлгөнүнө 30 жыл болот. 13.01.2022, Sputnik Кыргызстан
2022-01-13T18:32+0600
2022-01-13T18:32+0600
2022-01-13T18:32+0600
кыргызстан
саясат
монголия
кызматташуу
дипломатиялык мамиле
достук
кыргыз ссри
видео
https://sputnik.kg/img/07e6/01/0d/1061214949_333:157:1591:865_1920x0_80_0_0_c959b3eda61b9e15b8a3dfdcbb9d72a8.jpg
Sputnik агенттиги Кыргыз ССРинин Тышкы иштер министрлиги кандай түптөлгөнү, эл аралык байланыштар негизделгени жөнүндө даректүү тасмалардын топтомун даярдап сунуштоодо. Колумнист Алмаз Батилов архивден Монголия делегациясынын Кыргыз ССРине келгени тууралуу даректүү тасманын үзүндүсүн тапкан.1992-жылы 22-апрелде Кыргызстан менен Монголиянын ортосунда дипломатиялык мамиле тууралуу келишимге кол коюлган. Өлкөнүн туңгуч ажосу Аскар Акаев эки ирет Улан-Баторго расмий иш сапар менен барган. Андан соң Монголиянын жетекчилери да Кыргызстанга үч жолу келип кетишкен. Ал эми 2019-жылы жогорудагы мамлекеттин президенти Халтмаагийн Баттулга Бишкекке расмий сапары менен келип, элчилигин ачкан.Монголиялык изилдөөчү Бадрал Даваасамбунун тарыхый маалыматына таянсак, Моңгол Эл Республикасынын жетекчиси Жатмын Батмунх башында турган делегация Фрунзе шаарына расмий сапар менен 1986-жылы июлда келген. Конокторду Кыргыз ССРинин Коммунистик партиясынын Борбордук комитетинин биринчи катчысы Абсамат Масалиев тосуп алып, эки жетекчи достук мамиле орнотуу жөнүндө келишимге кол коюшат. Муну менен эки республика мурдагы мамилесин дагы кеңейтишет. Кыргызстан менен биринчилерден болуп мындай жогорку дипломатиялык деңгээлде келишимди түзгөн расмий Улан-Батор болду.Монголиянын башчысы Батмунх Масалиев менен Тянь-Шань (азыркы Нарын) районундагы асыл тукум мал заводуна келген деп эскерет бул ишканын башкы ветеринары Бапа Мукалиев. Анын айтымында, жогорудагы завод менен Селенга аймагы кызматташуу жөнүндө келишимге кол коюшкан. Андан кийин Монголиянын ажосу Тоң районундагы Карл Маркс колхозуна да барган. Бул расмий сапардын жыйынтыгы менен айыл чарба тармагы боюнча бир нече келишимге кол коюлган.Ошол эле жылы ноябрда Улан-Баторго Кыргыз ССРинин Коммунисттик партиясынын катчысы Жумгалбек Аманбаев барып, эки өлкөнүн ортосундагы кызматташуунун башкы багыттары жөнүндө келишимге кол койгон. Анын натыйжасында эки өлкөнүн адистери тажрыйба алмашкан. Белгилей кетчү жагдай, моңгол элинин алгачкы космонавты Жугдэрдэмидийн Гуррагча Фрунзедеги учкучтарды даярдоочу техникалык училищеде окуган.Тема боюнча:
монголия
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, монголия, кызматташуу, дипломатиялык мамиле, достук, кыргыз ссри, видео, видео
кыргызстан, саясат, монголия, кызматташуу, дипломатиялык мамиле, достук, кыргыз ссри, видео, видео
Кыргыз ССРи менен түз мамиле курган Монголия. 30 жыл мурунку видео
Быйыл апрелде расмий Бишкек менен Улан-Батордун ортосунда дипломатиялык алака түзүлгөнүнө 30 жыл болот.
Sputnik агенттиги Кыргыз ССРинин Тышкы иштер министрлиги кандай түптөлгөнү, эл аралык байланыштар негизделгени жөнүндө даректүү тасмалардын топтомун даярдап сунуштоодо. Колумнист Алмаз Батилов архивден Монголия делегациясынын Кыргыз ССРине келгени тууралуу даректүү тасманын үзүндүсүн тапкан.
1992-жылы 22-апрелде Кыргызстан менен Монголиянын ортосунда дипломатиялык мамиле тууралуу келишимге кол коюлган. Өлкөнүн туңгуч ажосу Аскар Акаев эки ирет Улан-Баторго расмий иш сапар менен барган. Андан соң Монголиянын жетекчилери да Кыргызстанга үч жолу келип кетишкен. Ал эми 2019-жылы жогорудагы мамлекеттин президенти Халтмаагийн Баттулга Бишкекке расмий сапары менен келип,
элчилигин ачкан.
Монголиялык изилдөөчү Бадрал Даваасамбунун тарыхый маалыматына таянсак, Моңгол Эл Республикасынын жетекчиси Жатмын Батмунх башында турган делегация Фрунзе шаарына расмий сапар менен 1986-жылы июлда келген. Конокторду Кыргыз ССРинин Коммунистик партиясынын Борбордук комитетинин биринчи катчысы Абсамат Масалиев тосуп алып, эки жетекчи достук мамиле орнотуу жөнүндө келишимге кол коюшат. Муну менен эки республика мурдагы мамилесин дагы кеңейтишет. Кыргызстан менен биринчилерден болуп мындай жогорку дипломатиялык деңгээлде келишимди түзгөн расмий Улан-Батор болду.
Монголиянын башчысы Батмунх Масалиев менен Тянь-Шань (азыркы Нарын) районундагы асыл тукум мал заводуна келген деп эскерет бул ишканын башкы ветеринары Бапа Мукалиев. Анын айтымында, жогорудагы завод менен Селенга аймагы кызматташуу жөнүндө келишимге кол коюшкан. Андан кийин Монголиянын ажосу Тоң районундагы Карл Маркс колхозуна да барган. Бул расмий сапардын жыйынтыгы менен айыл чарба тармагы боюнча бир нече келишимге кол коюлган.
Ошол эле жылы ноябрда Улан-Баторго Кыргыз ССРинин Коммунисттик партиясынын катчысы Жумгалбек Аманбаев барып, эки өлкөнүн ортосундагы кызматташуунун башкы багыттары жөнүндө келишимге кол койгон. Анын натыйжасында эки өлкөнүн адистери тажрыйба алмашкан. Белгилей кетчү жагдай, моңгол элинин алгачкы космонавты Жугдэрдэмидийн Гуррагча Фрунзедеги учкучтарды даярдоочу техникалык училищеде окуган.
