2021-жылы көз жумган дүйнөгө белгилүү инсандар. 13 сүрөт

Сентябрь айында франциялык атактуу актёр Жан-Поль Бельмондо 89 жашында каза болду. Актёр Франция, Европа эле эмес дүйнөгө өзүнүн ролдору, таланты менен белгилүү болгон. Ал "Профессионал", "Акыркы дем", "Ууру", "Борсалино" кинолорундагы ролдору менен миллиондордун урматына арзыган

Июлда көрүнүктүү советтик жана россиялык кинорежиссёр, актёр, сценарист, продюсер, "Мосфильм" башкаруучулугунун мүчөсү Владимир Меньшов 82 жаш курагында дүйнө салды. Ал көптөгөн сыйлыктардын ээси, анын катарын "Москва слезам не верит" тасмасы үчүн берилген "Оскар" толуктайт

Февраль айында кыргыз журтчулугу Кыргыз Республикасынын эл артисти, Токтогул атындагы мамлекеттик сыйлыктын лауреаты Жамал Сейдакматовадан да айрылды. Ал узакка созулган катуу оорудан улам 82 жаш курагында дүйнөдөн кайтты

Ушул эле айда Россиянын эл артисти Андрей Мягков көз жумду. Советтик мезгилдин популярдуу актёрлорунун бири ("Ирония судьбы" жана "Служебный роман") 83 жашында дүйнөдөн өттү

Кыргыз эл жазуучусу Мар Байжиев 86 жашында көз жумду. Байжиев "Кыргызфильм" студиясында, Маданият министрлигинде, "Литературная газета" басылмасында иштеген. "Манас" эпосу жөнүндө тасмага, "Алтын күз", "Ак илбирстин тукуму", "Бирөөнүн бактысы", "Нокдаун" өңдүү фильмдердин сценарийин жазган. Ошондой эле "Балдар бойго жеткенде", "Эрөөл", "Эр намысы", "Ар бир үйдө майрам", "Кыз-күйөө", "Алтынчы күнү кечинде", "Узак сапардагы поезд" пьесаларынын автору

Апрель айында ханыша Елизавета IIнин күйөөсү, канзаада Филипп 99 жаш курагында каза болду

3-декабрда советтик жана россиялык театр, кино актрисасы Нина Ургант бул дүйнө менен коштошту. Ал "Знакомьтесь, Балуев" тасмасында башкы каармандын жубайы Дуся Балуеванын ролун аткарган

Адабияттагы алптардын бири Бексултан Жакиев 25-апрелде дүйнө салды. Белгилүү драматург, Кыргыз эл жазуучусу 85 жашка чыккан. Ал коомчулукка "Атанын тагдыры" аттуу драмасы менен таанылып, бул чыгарма Кыргыз драма театрында 500дөн ашык жолу коюлган

"Оскар" сыйлыгынын ээси, актёр Кристофер Пламмер 91 жашында каза болду. Ал "Звуки музыки" тасмасында роль жараткан

24-декабрь күнү 74 жаш курагында айтылуу археолог, тарыхчы, тарых илимдеринин доктору Юлий Худяков дүйнөдөн кайтты. Ал орто кылымдардагы кыргыздардын археологиясы, курал-жарак тарыхы, Ички Азия, Сибирь, Борбордук Азия археологиясы боюнча адис. Тарых илимдеринин доктору. Кыргызстандын III даражадагы Манас жана Данакер ордендеринин ээси

Атактуу россиялык ырчы жана композитор Александр Градский көз жумганы тууралуу маалымат 28-ноябрда белгилүү болду. Ал коронавирустун кесепетинен ажал тапканы айтылды

Белгилүү америкалык рэп-музыкант DMX (чыныгы аты Эрл Симмонс) 50 жаш курагында жүрөгү кармап каза болду

Октябрда 90 жаш курагында легендарлуу советтик жана россиялык теле-радио алып баруучу Игорь Кириллов каза болду