https://sputnik.kg/20211207/zhogorku-keneshtegi-baarynan-uluu-deputat-kim-bolushu-mumkun-1054893296.html
Жогорку Кеңештин жаңы чакырылышындагы аксакал депутаттар. Тизме
Жогорку Кеңештин жаңы чакырылышындагы аксакал депутаттар. Тизме
Sputnik Кыргызстан
Баш мыйзамга ылайык, Жогорку Кеңештин биринчи жыйынын парламенттеги эң улуу депутат ачат. Sputnik Кыргызстан шайлоонун алдын ала чыгарылган жыйынтыгына таянып... 07.12.2021, Sputnik Кыргызстан
2021-12-07T17:54+0600
2021-12-07T17:54+0600
2021-12-15T23:01+0600
жаңылыктар
кыргызстан
саясат
коом
жогорку кеңеш
парламенттик шайлоо
аксакал
депутат
2021-жылкы парламенттик шайлоонун жыйынтыгы
жогорку кеңешке шайлоо 2021
https://sputnik.kg/img/07e4/09/0c/1049596522_0:0:1977:1112_1920x0_80_0_0_82f6bcbcb61ce5c4ba634a310d04299b.jpg
Кол менен эсептөөлөрдүн алдын ала чыккан жыйынтыгына таянып Sputnik Кыргызстан Жогорку Кеңештин VII чакырылышынын депутаттары кандай болорун да болжолдоду. Андан сырткары, парламентке келе турган жашы улуу талапкерлердин тизмесин түздү. Ага 60 жаштан улуу саясатчылар кирди.Тизмени 66 жаштагы Шарапаткан Мажитова баштап бара жатат. Ал "Ынтымак" партиясынан эл өкүлү болууга аттанып, алдын ала маалыматтарга караганда, шайлоочулардын 9 206сынын добушун алган. Партиялаштарынын арасынан экинчи орунга чыккан. Анын биринчи билими — тарыхчы, экинчиси — юрист. Алгач мугалим болуп жүрүп, кийин ишкердик менен алектенип кеткен. 2013-жылдан тарта "Модерн Стиль" ЖЧКсынын директору. Арсланбек Малиев 64 жашта. Жети-Өгүз шайлоо округунан шайланып, ага 7 337 киши өзүнүн добушун берген. Малиев экономика илимдеринин кандидаты. Жогорку Кеңештин I, II, III чакырылыштарынын депутаты болгон. 2011-жылдын сентябрь айында президенттик шайлоого катышып, бирок мамлекеттик тил боюнча экзамен тапшырбаганы үчүн Борбордук шайлоо комиссиясы аны каттоодон баш тарткан. Алты жылдан кийин 2017-жылы президенттик шайлоодо Малиев талапкерлигин коюп, добуш берүүнүн жыйынтыгы менен 1 621 (0,1 пайыз) добуш алып, тогузунчу орунду ээлеген. 2020-жылы кайрадан президенттик шайлоого катышып, акырында документтерин кайра чакыртып алган.Парламентке келчү дагы бир эл өкүлү Султанбай Айжигитов 63 жашта. Бул шайлоодо талапкерлигин "Ыйман нуру" партиясынан коюп, шайлоочулардын 10 953 добушун алган. Партиялаштарынын арасынан экинчи орунду ээледи. Адистиги боюнча жарандык авиациянын инженери, андан сырткары, Жусуп Баласагын атындагы улуттук университетти аяктаган. Баткен облусунун губернатору (2005-2008), президенттин кеңешчиси (2008-2010) болуп иштеген. 2012-жылдан тарта коомдук ишмер.Надира Нарматова 62 жашта. Шайлоого "Ата-Журт Кыргызстан" партиясынан катышкан. Алдын ала маалыматтарга таянсак, шайлоочулардын 3 070инин добушун алган. Кыргыз кыз-келиндер педагогикалык институтун, андан сырткары, Кыргыз улуттук университетин бүтүргөн. Партиялык кызматтарда иштеген, жеке ишкердик менен алектенген. Жогорку Кеңештин V чакырылышынын депутаты. 2015-жылдан тарта "Мээримбек" кайрымдуулук фондун жетектеп келет. Бешилтикке 61 жаштагы Исхак Масалиев да кирген. Бул шайлоодо "Бүтүн Кыргызстан" саясий партиясынан ат салышкан. Алдын ала берилген маалыматтарга караганда, шайлоочулардын 12 275инин добушун алган. Бул сандар аны партиялаштарынын арасынан саясий бирикменин лидери Адахан Мадумаровдон кийинки эле экинчи орунга чыгарды. Масалиев билими боюнча тарыхчы жана укук жагынан адис. Бажы жана салык тармактарында эмгектенген. 2005, 2007 жана 2015-жылдары Жогорку Кеңештин депутаты болуп шайланган. Ал эми 2020-жылдын май айында мандатын өз ыктыяры менен тапшырган. 2020-жылы 4-октябрда болгон парламенттик шайлоодо да Масалиев "Бүтүн Кыргызстан" партиясы менен парламентке аттанган. Саясий бирикменин алдын ала чыгарылган жыйынтыгында депутат болчулардын тизмесине кирген. Анткен менен 5-6-октябрда болгон нааразылыктан улам ал шайлоонун жыйынтыгы жокко чыкканы маалым.Кыргызстандын Баш мыйзамына ылайык, жаңы шайланып келген Жогорку Кеңештин алгачкы жыйынын депутаттардын арасынан аксакалы ачып, парламенттин төрагасы шайлангыча отурумду алып барып турат.
https://sputnik.kg/20211105/shajloo-partiya-talapker-zhash-kurak-infografika-1054483040.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, саясат, коом, жогорку кеңеш, парламенттик шайлоо, аксакал, депутат, 2021-жылкы парламенттик шайлоонун жыйынтыгы , жогорку кеңешке шайлоо 2021
жаңылыктар, кыргызстан, саясат, коом, жогорку кеңеш, парламенттик шайлоо, аксакал, депутат, 2021-жылкы парламенттик шайлоонун жыйынтыгы , жогорку кеңешке шайлоо 2021
Жогорку Кеңештин жаңы чакырылышындагы аксакал депутаттар. Тизме
17:54 07.12.2021 (Жаңыртылды: 23:01 15.12.2021) Баш мыйзамга ылайык, Жогорку Кеңештин биринчи жыйынын парламенттеги эң улуу депутат ачат. Sputnik Кыргызстан шайлоонун алдын ала чыгарылган жыйынтыгына таянып, ЖКнын VII чакырылышынын отурумун баштоо шыбагасы кимге тиерин карап көрдү.
5 Жетинин айы 2021, 18:00
Кол менен эсептөөлөрдүн алдын ала чыккан жыйынтыгына таянып Sputnik Кыргызстан Жогорку Кеңештин VII чакырылышынын депутаттары
кандай болорун да болжолдоду. Андан сырткары, парламентке келе турган жашы улуу талапкерлердин тизмесин түздү. Ага 60 жаштан улуу саясатчылар кирди.
Тизмени 66 жаштагы
Шарапаткан Мажитова баштап бара жатат. Ал "Ынтымак" партиясынан эл өкүлү болууга аттанып, алдын ала маалыматтарга караганда, шайлоочулардын 9 206сынын добушун алган. Партиялаштарынын арасынан экинчи орунга чыккан. Анын биринчи билими — тарыхчы, экинчиси — юрист. Алгач мугалим болуп жүрүп, кийин ишкердик менен алектенип кеткен. 2013-жылдан тарта "Модерн Стиль" ЖЧКсынын директору.
Арсланбек Малиев 64 жашта. Жети-Өгүз шайлоо округунан шайланып, ага 7 337 киши өзүнүн добушун берген. Малиев экономика илимдеринин кандидаты. Жогорку Кеңештин I, II, III чакырылыштарынын депутаты болгон.
2011-жылдын сентябрь айында президенттик шайлоого катышып, бирок мамлекеттик тил боюнча экзамен тапшырбаганы үчүн Борбордук шайлоо комиссиясы аны каттоодон баш тарткан. Алты жылдан кийин 2017-жылы президенттик шайлоодо Малиев талапкерлигин коюп, добуш берүүнүн жыйынтыгы менен 1 621 (0,1 пайыз) добуш алып, тогузунчу орунду ээлеген. 2020-жылы кайрадан президенттик шайлоого катышып, акырында документтерин кайра чакыртып алган.
Парламентке келчү дагы бир эл өкүлү
Султанбай Айжигитов 63 жашта. Бул шайлоодо талапкерлигин "Ыйман нуру" партиясынан коюп, шайлоочулардын 10 953 добушун алган. Партиялаштарынын арасынан экинчи орунду ээледи.
Адистиги боюнча жарандык авиациянын инженери, андан сырткары, Жусуп Баласагын атындагы улуттук университетти аяктаган. Баткен облусунун губернатору (2005-2008), президенттин кеңешчиси (2008-2010) болуп иштеген. 2012-жылдан тарта коомдук ишмер.
Надира Нарматова 62 жашта. Шайлоого "Ата-Журт Кыргызстан" партиясынан катышкан. Алдын ала маалыматтарга таянсак, шайлоочулардын 3 070инин добушун алган. Кыргыз кыз-келиндер педагогикалык институтун, андан сырткары, Кыргыз улуттук университетин бүтүргөн. Партиялык кызматтарда иштеген, жеке ишкердик менен алектенген. Жогорку Кеңештин V чакырылышынын депутаты. 2015-жылдан тарта "Мээримбек" кайрымдуулук фондун жетектеп келет.
Бешилтикке 61 жаштагы
Исхак Масалиев да кирген. Бул шайлоодо "Бүтүн Кыргызстан" саясий партиясынан ат салышкан. Алдын ала берилген маалыматтарга караганда, шайлоочулардын 12 275инин добушун алган. Бул сандар аны партиялаштарынын арасынан саясий бирикменин лидери Адахан Мадумаровдон кийинки эле экинчи орунга чыгарды. Масалиев билими боюнча тарыхчы жана укук жагынан адис. Бажы жана салык тармактарында эмгектенген. 2005, 2007 жана 2015-жылдары Жогорку Кеңештин депутаты болуп шайланган. Ал эми 2020-жылдын май айында мандатын өз ыктыяры менен тапшырган.
2020-жылы 4-октябрда болгон парламенттик шайлоодо да Масалиев "Бүтүн Кыргызстан" партиясы менен парламентке аттанган. Саясий бирикменин алдын ала чыгарылган жыйынтыгында депутат болчулардын тизмесине кирген. Анткен менен 5-6-октябрда болгон нааразылыктан улам ал шайлоонун жыйынтыгы жокко чыкканы маалым.
Кыргызстандын Баш мыйзамына ылайык, жаңы шайланып келген Жогорку Кеңештин алгачкы жыйынын депутаттардын арасынан аксакалы ачып, парламенттин төрагасы шайлангыча отурумду алып барып турат.
