Бишкек мэриясы Кытай грантынын эсебинен жол боюнча ири долбоор сунуштады
12:09 07.12.2021 (Жаңыртылды: 14:27 14.12.2021)
© пресс-служба мэрии города Бишкек Улукбек Шамбетов
Жазылуу
Келерки жылы Кытайдын жардамы менен Бишкектеги жолдорду куруу жана оңдоо боюнча кезектеги фазаны ишке ашыруу пландалып жатат.
БИШКЕК, 7-дек. — Sputnik. Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады.
Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады
© пресс-служба мэрии города Бишкек Улукбек Шамбетов
Муниципалитеттин маалымат кызматы 2022-жылы "Бишкек шаарынын ички жол тармактарын өнүктүрүү" долбоорунун үчүнчү фазасын баштоо пландалып жатканын эске салды.
Мэрия сунуштаган долбоорлор:
- Лев Толстой — Фучик — Садырбаев (Бах) көчөлөрүнүн кесилишинде эки деңгээлдүү автотранспорттук жол курулуп, Фучик көчөсү узартылат. Ошондой эле Бахтын Лев Толстойдон Гагаринге чейинки бөлүгү оңдолот;
- Лев Толстой менен Жаш гвардия проспектисиндеги транспорттук түйүн проспектиден Матыев көчөсүнө чейин узартылат. Ошондой эле Чапаев көчөсүнө Ала-Арча дарыясы аркылуу өткөн көпүрө курулат;
- Темир жол аркылуу Сүйүнбаев жана Төрөкул Айтматов көчөлөрүнө Лев Толстойго чыккан жол үстүндөгү көпүрөлөрдү куруу;
- Кийин Кара-Дарыя көчөсүнүн Лев Толстойдон Медеровго чейинки бөлүгүн узартууга мүмкүнчүлүк жаралары айтылды.
Учурда долбоор алдындагы иштер жана алдын ала эсептөөлөр жүргүзүлүүдө.
