https://sputnik.kg/20211204/bitkoindin-kursu-42-min-dollarga-tushtu-1054859331.html

Биткоиндин курсу 42 миң долларга чейин түшүп кетти

Биткоиндин курсу 42 миң долларга чейин түшүп кетти

Sputnik Кыргызстан

Ишембиге караган түндөгү арзандоонун эпкини Ethereum, Litecoin жана Monero сыяктуу популярдуу криптовалюталарга да тийген. 04.12.2021, Sputnik Кыргызстан

2021-12-04T17:42+0600

2021-12-04T17:42+0600

2021-12-14T14:27+0600

жаңылыктар

дүйнөдө

экономика

биткоин

курс

криптовалюта

https://sputnik.kg/img/07e5/0c/04/1054858339_0:164:3072:1902_1920x0_80_0_0_33926864fc15ba2c9c4f1a12809eb380.jpg

БИШКЕК, 4-дек. — Sputnik. Биткоиндин баасы 4-декабрда 42 миң долларга чейин түшүп, сентябрдын аягынан бери эң төмөнкү чекке жетти. Бул тууралуу РИА Новости жазды. Ишембиге караган түнү белгилүү криптовалюталардын курсу болжол менен 20 пайызга төмөндөп, ал эми бул рыноктун жалпы капитализациясы 16 пайызга азайып, 2 триллион долларга чейин түшкөн.4-декабрдын таңында курстун төмөндөшү бир аз басаңдаган. Алып-сатуунун көлөмү боюнча алдыда турган Binance биржасында Бишкек убактысы боюнча саат 13:00гө карата биткоин 16,7 пайызга, тагыраагы, 47,25 миң долларга чейин арзандады. Ал эми 20дан ашык биржанын орточо баасын эсептеген CoinMarketCap порталынын маалыматы боюнча, биткоин 16,36 пайызга — 47,6 миң долларга чейин арзандаган.Буга чейин сатуунун жүрүшүндө биткоин 30-сентябрдан бери биринчи жолу 42 миң долларга чейин төмөндөгөн.Арзандоонун эпкини Ethereum, Litecoin жана Monero сыяктуу популярдуу криптовалюталарга тийген. Ethereum 14,91 пайызга (3,89 миң доллар), Litecoin 24,96 пайызга (153,2 доллар) жана Monero 18,76 пайызга (195,9 доллар) түшкөн.Криптовалютанын наркы 16 пайызга төмөндөп, 2,2 триллион доллар болуп калган. Ноябрдын башында бул көрсөткүч тарыхта биринчи жолу 3 триллион долларга жеткен.

https://sputnik.kg/20211115/aksh-bitkoindi-kim-ojlop-tapkan-1054592288.html

2021

Жаңылыктар

kg_KG

жаңылыктар, дүйнөдө, экономика, биткоин, курс, криптовалюта