Дарыгер күз-кышта адам эмнеге уйкусурап, чарчай берерин айтып берди

© Фото / Pexels /Eren LiУктап жаткан адам. Архив
Уктап жаткан адам. Архив - Sputnik Кыргызстан, 1920, 27.11.2021
Жазылуу
Адистин айтымында, биологиялык сааттарды күндүн нуру жөнгө салып турат. Күз-кыш мезгилинде күндүн жарыгы азайып, мелатонин гормону жакшы иштелип чыкпай калат.
БИШКЕК, 27-ноя. — Sputnik. Күзүндө жана кышында айрым адамдардын чарчап, уйкусурап жана маанайы түшүп жүргөнү байкалат. Мунун себебин "Ридус" сайтына Москва мамлекеттик университетинин уйку боюнча медицина борборунун жетекчиси, сомнолог Александр Калинкин айтып берди.
"Биздин биологиялык сааттарыбызды күндүн нуру жөнгө салып турат. Күз-кыш мезгилинде күндүн жарыгы азайып, күндүз жана кечинде мелатонин аз иштелип чыгат, бул уйкусуздукту шарттайт", — деген дарыгер.
Сомнолог уйкусуздуктан арылып, сергек жүрүүнүн да жолун айтты.
"Аба ырайы суук мезгилде да күндүн нурун алганга аракет кылуу керек. Мисалы, жумушта терезеге жакын отуруңуз, эртең менен көчөгө басып келиңиз. Ал болбосо күндүн жарыгын берген атайын шаймандарды колдонуңуз", — деген адис.
Кофеин кошулган азыктар менен суусундуктар да күч берет, бирок уйкусуздуктан арылта албайт.
Буга чейин диетолог айрым азыктар кыска убакытка дем-күч берип, андан кийин кайра чарчатып-чаалыктыра турганын айткан. Мында организм күчүн тамак сиңирүүгө көп жумшап калат.
Жаңылыктар түрмөгү
0
Алгач жаңыларыАлгач эскилери
loader