Милиция: Бишкекте дөңгөлөк уурдап, өз автоунаасына тагып алган киши кармалды

© Фото / пресс-служба УВД Октябрьского района БишкекаБишкекте автоунаадан дөңгөлөк уурдоо
Бишкекте автоунаадан дөңгөлөк уурдоо - Sputnik Кыргызстан, 1920, 15.11.2021
Жазылуу
Шектүү уурдалган дөңгөлөктөрдү өзүнүн автоунаасына тагып алган. Милиция мүлктү ээсине кайтарып берди.
БИШКЕК, 15-ноя. — Sputnik. Бишкекте бирөөнүн автоунаасынын дөңгөлөктөрүн уурдап, өзүнүкүнө тагып алган киши кармалды. Бул тууралуу Октябрь райондук ички иштер бөлүмүнөн билдирди.
Маалыматка караганда, 30-октябрь күнү шаар тургуну Таш-Көмүр көчөсүндөгү үйүнүн жанында токтоп турган Honda Fit үлгүсүндөгү автоунаасынын төрт дөңгөлөгүн тең уурдап кеткенин айтып, райондук милицияга кайрылган.
Аталган факт Жазык кодексинин 200-беренесине ("Уурулук") ылайык Кылмыш жана жоруктардын бирдиктүү реестрине катталган.
"Издөө иштеринин жыйынтыгында милиция кызматкерлери 26 жаштагы жаранды кармады. Ал уурдаган дөңгөлөктөрдү өзүнүн автоунаасына тагып алган. Мүлк ээсине кайтарып берилип, шектүү Бишкек милициясынын убактылуу кармоо жайына киргизилди", — деп айтылат билдирүүдө.
Шектүүнүн ушул сыяктуу төрт кылмыш ишине тиешеси бар экени аныкталган.
Жаңылыктар түрмөгү
0