Чек арадагы көзөмөл өткөрүү пунктулары Салык кызматынын башкаруусуна өтөт

© Sputnik / Табылды КадырбековКыргыз-казак мамлекеттик чек арасындагы өткөрүү пункту. Архив
Кыргыз-казак мамлекеттик чек арасындагы өткөрүү пункту. Архив - Sputnik Кыргызстан, 1920, 12.11.2021
Жазылуу
Министрлер кабинетинин төрагасынын биринчи орун басары импорттоочулар салык төлөөдөн качып, товарларды өлкөгө төмөндөтүлгөн бааны көрсөтүү менен ташып кирип жатканына токтолгон.
БИШКЕК, 12-ноя. — Sputnik. Кыргыз-казак мамлекеттик чек арасындагы өткөрүү пунктулары салык кызматынын ыкчам башкаруусуна өткөрүлөт. Бул тууралуу министрлер кабинетинин төрагасынын биринчи орун басары Арзыбек Кожошев билдиргенин өкмөттүн маалымат кызматы кабарлады.
Ага ылайык, Кожошев кыргыз-казак мамлекеттик чек арасындагы өткөрмө пунктуларындагы салмак-габариттик, фитосанитардык жана ветеринардык контролду өткөрүү маселеси боюнча кеңешмеге катышкан.
Ал министрлер кабинетине консолидацияланган бюджетти ушул жылдын аягына чейин 280 миллиард сомго, 2022-жылдын соңуна дейре 400 миллиард сомго чейин жогорулатуу милдети коюлганын белгилеген.
"Өткөрмө пунктуларда "Жыйынды пост" системасы 10 айдан бери иштеп, ички чектердеги товарлардын жана транспорт каражаттарынын эсебин алуу процессин тездетти. Бул система бир катар көйгөйлөрдү да ачыкка чыгарды", — деди Кожошев.
Министрлер кабинетинин төрагасынын биринчи орун басары импорттоочулар салык төлөөдөн качып, товарларды өлкөгө төмөндөтүлгөн бааны көрсөтүү менен ташып кирип жатканына токтолгон.
Чек ара көзөмөл пунктундагы жүк ташуучу унаа. Архив - Sputnik Кыргызстан, 1920, 11.10.2021
Кошумча нарк салыгы былтыркыдан 10 млрд. сомго арбын чогулду. Себеби
"Айрым ишкерлер өлкөгө алып келинип жаткан жыгачтын 1 метр кубун 1 500 сом деп жаздырууда. Чынында анын рыноктук наркы 22 миң сомдон башталат. Күн карама майынын 1 литрин 4 сомдон тариздешсе, анын чекене баасы 155 сомдон башталат. Мындай аракеттер бюджетке залакасын тийгизип, башка ак ниет ишкерлер жабыркап калып жатат", — деген ал.
Кожошев мындай иш-аракеттерди алдын алып, болтурбоо максатында жана бирдиктүү тармакты түзүү үчүн өткөрмө пунктулары салык кызматынын ыкчам башкаруусуна өткөрүлө турганын белгилеген. Мындан сырткары, ал ЕАЭБ өлкөлөрүнөн товар ташып келген автоунааларга контролдук пломбаларды коюу боюнча пилоттук долбоорду салык кызматы эртерээк ишке ашырышы керектигине токтолгон.
Жаңылыктар түрмөгү
0