БИШКЕК, 5-сен. — Sputnik. Ордо калаада 6-сентябрдан тарта карызы бар 7,2 миң абоненттин электр жарыгы өчүрүлө баштайт. Бул тууралуу "Түндүк электр" ишканасынын маалымат кызматы кабарлады.
Ага ылайык, электр жарыгы үчүн карызы барлардын жарыгы акылдуу эсептегичтердин жардамы менен өчүрүлмөкчү. "Түндүк электр" ишканасы карыздын жалпы суммасы 6,4 миллионго жеткенин айтып, шаардыктарды андан кутулууга чакырды.
Карыздан Quickpay, Pay24, UMAI, KICB, MSТС (Касса-24), MegaCom, "О!", "Оңой" төлөө терминалдарынын жардамы менен "О!", "MegaPay", UMAI, "Элсом" электрондук капчыктары аркылуу кутулса болот. Ошондой эле "РСК Банк", "ДосКредоБанк", "Керемет Банк", "Бакай Банк", "Кыргызстан коммерциялык банкы", "Халык Банк", "КICВ Банк", "Оптима Банк" банктарынын кассаларына же "Кыргыз почтасына" төгө аласыздар.
