БИШКЕК, 1-авг. — Sputnik. Кыргызгидромет агенттиги алдыдагы аптага карата аба ырайынын божомолун берди.
Борбор калаа Бишкекте жума бою күн чайыттай ачык болот. Батыштан соккон шамалдын ылдамдыгы секундасына 4-9 метрге жетет.
Чүй облусунда апта аягына чейин дыйканчылык аймактарда күн жаабайт, тоолуу райондордо өткүн өтөт.
Талас облусунда 2-3-августта тоолуу аймактарда өткүн өтөт. 4-7-августта жаан-чачын күтүлбөйт.
Жалал-Абад облусунда жуманын соңуна чейин күндүн көзү бузулбайт, тоолордо гана өткүн болору күтүлөт.
Баткен облусунда 2-3-августта тоолуу райондордо гана өткүн өтөт, андан соң 7-августка чейин бардык аймактарда күн ачык турат.
Ысык-Көл облусунда 2-августта көпчүлүк аймактарда, 3-7-август күндөрү кээ бир райондордо жаан жаайт.
Нарын облусунда 2-августта көпчүлүк, 3-7-августта кээ бир аймактарда өткүн өтөт.
