Кытайда ысыкта денени муздата турган кездеме ойлоп табышты

© AFP 2023 / FRED DUFOURПекин шаарында көчөдө бараткан кыз. Архив
Пекин шаарында көчөдө бараткан кыз. Архив - Sputnik Кыргызстан, 1920, 13.07.2021
Жазылуу
Бул материал жакын жердеги ультра сыя жана инфракызыл нурларды өзүнөн түртүп турат. Муну менен ал денени сырттагы ысыктан коргойт.
БИШКЕК, 13-июл. — Sputnik. Кытайлык окумуштуулар ысыкта денени муздата турган кездеме ойлоп табышты. Бул тууралуу "Известия" басылмасы жазды.
Кездеме полилактид жана титан диоксидинин нанобөлүкчөлөрүнөн туруп, калыңдыгы 0,55 миллиметрди түзөт. Ал денеден бөлүнүп чыккан жылуулукту соруп алып, сыртка тез чыгарып турат.
Модель в платье из шоколада на показе в рамках 6-й шоколадной ярмарки в Брюсселе в 2019 году - Sputnik Кыргызстан, 1920, 07.07.2021
Кийимге айланып, подиумга чыккан шоколад. Таң калтырган 15 сүрөт
Ошондой эле бул материал жакын жердеги ультра сыя жана инфракызыл нурларды өзүнөн түртүп турат. Муну менен ал денени сырттагы ысыктан коргойт. Окумуштуулар анын канчалык майнаптуу болорун текшериш үчүн ыктыярчыларга кийгизип көргөн.
Алардын бир бөлүгү кебез кездемеден, экинчи бөлүгү жаңы материалдан тигилген күрмөнү кийип, күн тийген жерде бир саат турушкан. Жыйынтыгында биринчи топтогу адамдардын денеси жаңы кездемеден тигилген кийимчендерге караганда алты градуска көбүрөөк ысыганы аныкталган. Учурда окумуштуулар тикмечилерге өз табылгасын сунуштап жаткан кез. Маалыматка караганда, мындай материалдан жасалган кийимдер өтө арзан болмокчу.
Жаңылыктар түрмөгү
0