Төрт айда Кыргызстандан сыртка которулган каражат рекорддук чекке жетти

© AP Photo / Burhan OzbiliciАкча санап жаткан кассир. Архив
Акча санап жаткан кассир. Архив - Sputnik Кыргызстан, 1920, 14.06.2021
Жазылуу
Өткөн жылдын төрт айына салыштырмалуу 2021-жылдын январь-апрель айларында 37 миллион доллардан көп каражат чыккан.
БИШКЕК, 14-июн. — Sputnik. 2021-жылдын январь-апрель айларында Кыргызстандан чет жактарга 169,1 миллион доллар акча которулган. Бул тууралуу Улуттук банктын сайтындагы маалыматта көрсөтүлгөн.
Мында сөз жеке адамдардын акча которуу тутуму аркылуу жүргүзгөн операциялары жөнүндө болуп жатат. Эгерде башка жылдардагы алгачкы төрт айдын көрсөткүчтөрүн алсак, быйылкы сумма рекорддук чекке жеткен.
Төмөндө ар башка жылдардын төрт айындагы маалыматтар келтирилди (суммасы 120 миллион доллардан ашкан жылдардагы маалыматтар гана көрсөтүлдү):
2020 — 132,3 миллион;
2019 — 163,3 миллион;
2018 — 151,4 миллион;
2014 — 134,2 миллион.
Жаңылыктар түрмөгү
0