Майрам патриоттук сезимди ойготот. Марипов мекен коргоочуларын куттуктады

© Пресс-служба правительства / Алишер АлиевПремьер-министр Улукбек Марипов
Премьер-министр Улукбек Марипов  - Sputnik Кыргызстан, 1920, 23.02.2021
Жазылуу
Марипов коронавирус маалында жоокерлер блокпосттордо турушканын, ошондой эле аскердик госпитал обсервацияга берилгенин айткан.
БИШКЕК, 23-фев. — Sputnik. Премьер-министр Улукбек Марипов офицер, прапорщик, сержанттарды өкмөттүн атынан Ата Мекенди коргоочулардын күнү менен куттуктады.
Өкмөт башчы куттуктоосун Facebook баракчасына чыгарды.
"Мекенди коргоо — ар бир жарандын ыйык милдети. Бул майрам патриоттуулук сезимди ойготуучу чоң күчкө ээ. Бул күнү кылымдар бою мамлекетти сактоо үчүн кычыраган кышта, кайнаган ысыкта, күн-түн, ачка-ток дебей күжүрмөн нөөмөттө туруп, ак кызмат кылган бардык муундагы жоокерлердин эмгеги менен эрдиги даңкталат. Улуу муундун, ардагерлердин бүгүнкү келечектеги бейпил жашообузга кошкон салымы баа жеткис", — деди ал.
Президент Садыр Жапаров. Архив - Sputnik Кыргызстан, 1920, 23.02.2021
Садыр Жапаров жаштарды армияга барууга үндөп, аскердеги сүрөтүн жарыялады
Марипов коронавирус маалында Куралдуу күчтөрдүн, Улуттук гвардиянын, Өзгөчө кырдаалдар министрлигинин жоокерлери менен чек арачылар блокпосттордо турушканын белгилей кеткен.
Өкмөт башчы аскер кызматкерлерине бекем ден соолук жана жаркын маанай, ал эми элде ынтымак, мамлекетте тынчтык болушун каалаган.
Жаңылыктар түрмөгү
0