Финпол: издөөдө жүргөн жаранга мыйзамсыз паспорт берген факты аныкталды

© Sputnik / Жоомарт УраимовКиши ID-паспорт менен. Архив
Киши ID-паспорт менен. Архив - Sputnik Кыргызстан
Жазылуу
Өзбекстандын жараны Нематжон Хомидов 2018-жылы Ош облусунун Кара-Суу шаарына каттоого турган. Ошондой эле ага кыргыз жарандыгы берилген.

БИШКЕК, 16-дек. — Sputnik. Экономикалык кылмыштарга каршы күрөшүү кызматы буга чейин соттолгон жана мамлекеттер аралык издөөдө жүргөн жаранга мыйзамсыз паспорт берилген фактыны аныктады. Бул тууралуу Финполдун маалымат кызматы кабарлады.

Ага ылайык, мындай учур Ош облусунун Кара-Суу, Алай жана Чоң-Алай райондору боюнча Финансы полициясы тарабынан паспорт берүү учурунда аныкталган.

"Өзбекстандын жараны Нематжон Хомидов 2018-жылы Ош облусунун Кара-Суу шаарына каттоого турган. Ошондой эле ага кыргыз жарандыгы берилген. Бирок паспорт берүү учурунда ал адам чет өлкөдө экени такталып, жети жылдан бери өз өлкөсүнө кирбей жүргөнү аныкталган", — деп айтылат маалыматта.

Аэропортто каттоодо жүргүнчүлөр. Архив - Sputnik Кыргызстан
Кыргызстанга чоочун бирөөнүн паспорту менен кирүүгө аракет кылган аял кармалды
Ички иштер министрлигинин маалыматы билдиргендей, бул адам мамлекеттер аралык издөөдө жүргөн. Ошондой эле Өзбекстандын Жазык кодексинин 159-беренесинин 3-бөлүгүнүн А пункту ("Өзбекстандын конституциялык түзүлүшүнө кол салуу") боюнча соттолгон.

Аталган факт Кылмыш жана жоруктардын бирдиктүү реестрине КР Жазык кодексинин 330-беренеси ("Паспортту мыйзамсыз берүү") боюнча катталган.

Учурда иш тергелип, мындан башка да мыйзамсыз паспорт берилген фактылар аныкталып жатканы айтылды.

Жаңылыктар түрмөгү
0