БИШКЕК, 2-авг. — Sputnik. Борбор калаа тургундарынын саламаттыгы чыңалып, медиктерге кайрылгандардын саны кыскаргандыктан эки күндүзгү стационар жабылды. Бул туурасында Бишкек мэриясынын маалымат кызматы кабарлады.
Кечээ калаадагы күндүзгү стационарлар 1 176 адамды кабыл алса, түнкү стационарлар 192 бейтапка жардам көрсөткөн.
“Чыгымдарды оптималдаштыруу жана адам ресурстарын күзгү-кышкы мезгилге сактоо үчүн жарандар өтө аз кайрылып жаткан “Сейтек” мектебиндеги жана “Салтанат” ресторанындагы стационарлар жабылды. Ал эми № 95 мектептеги жана Жал кичи районундагы дарылоо мекемеси эртең ишин токтотот. Алар запаста болуп турат, кокустан муктаждык жаралса дароо ачылат”, — деп айтылат маалыматта.
Өлкөнүн жети облусунда инфекциялык ооруканалар салына баштады. Тизме
Калган 12 стационар штаттык режимде иштей турганы белгиленди. Эртең мененки саат 8.00дөн кечки 20.00гө чейин барып медициналык жардам алууга болот. Түнкүсүн эки стационар иштейт.
