БИШКЕК, 1-авг. — Sputnik. Кыргызстанда акыркы суткада коронавирус инфекциясын жуктуруп алган 19 киши көз жумду. Бул тууралуу Коомдук саламаттык сактоо башкармалыгынын башчысы Айнура Акматова брифинг учурунда билдирди.
COVID-19дан каза болгондор (пневмонияны эсепке алганда) төмөнкү жерлерде катталды:
- Бишкек шаары — 3;
- Ош шаары — 3;
- Чүй облусу — 2;
- Ош облусу — 2;
- Нарын облусу — 1;
- Жалал-Абад облусу — 3;
- Ысык-Көл облусу — 4;
- Баткен облусу — 1.
Ал эми Таласта көз жумгандар болгон жок.
Бейтапты сактайм деп акка моюн сунгандар. Ак халатчандарды эскерген видео
Пандемиядан бери өлкөдө коронавирустун кесепетинен көз жумган адамдардын саны 1 397ге жетти.
