БИШКЕК, 11-июл. — Sputnik. 12-июль, жекшемби күнү, өлкөнүн тоолуу райондорунда жана тоо этектеринде өткүн өтүп, күн күркүрөйт. Ал эми өрөөндөрдө күн ачык болот. Бул тууралуу Кыргызгидромет билдирди.
Маалыматка ылайык, республиканын бийик тоолуу райондорунда кар жаашы мүмкүн. Батыштан соккон шамалдын ылдамдыгы 4-9 метрден кээ бир райондордо 15-20 метрге жетет.
COVID тоскоол болбойт. Баткенде былтыркыдан көп жерден түшүм жыйналат
Абанын температурасы Чүйдө +28...+33, Талас жергесинде +25…+30, Ош, Жалал-Абад, Баткен облустарында +29...+34, Ысык-Көл өрөөнүндө +19...+24 жана Нарын аймагында +20…+25 градус болору айтылды.
Күндүн табы Бишкекте +31...+33, Ош шаарында +32...+34 жана Чолпон-Атада +19...+21 градуска чейин жогорулайт.
