БИШКЕК, 17-июн. — Sputnik. Кыргызстанда бир сутка ичинде 21 медицина кызматкеринен коронавирус аныкталды. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.
Анын айтымында, оору жуктургандардын алтоо Бишкектен, 12си Чүй облусунан, экөө Баткен облусунан жана бирөө Таластан.
Ал эми сутка ичинде сегиз медик айыккан.
Жалпысынан республика боюнча COVID-19 диагнозу менен медицина кызматкерлери арасында 495 учур катталып, анын 367си айыккан. Алардын 25-28 пайызы дарыгерлер, калганы орто жана кичи медицина кызматкери.
