БИШКЕК, 27-апр. — Sputnik. Таластын Бакай-Ата районунун Өзгөрүш айылында суудан алты жаштагы баланын сөөгү табылды. Бул тууралуу ӨКМдин маалымат кызматы кабарлады.
Маалыматка ылайык, бөбөк Талас дарыясына түшүп кеткен. Издөө иштерине ӨКМдин алты куткаруучусу тартылган. Бирок куткаруучулар барганга чейин эле наристенин сөөгүн жергиликтүү тургундар таап, туугандарына өткөрүп бергени айтылды.
