БИШКЕК, 15-апр. — Sputnik. Жогорку Кеңеш депутатынын мандатын алган Айгерим Бешимбаева менен Самат Ибраев бүгүн парламенттин жалпы жыйынында ант берип, расмий түрдө кызматка киришишти.
Айгерим Бешимбаева “Республика — Ата Журт” фракциясынын тизмеси менен мандат алды. Ал вице-премьерликке дайындалган Аида Исмаилованын ордуна келди.
Ал эми Самат Ибраев Кыргызстан социал-демократтар партиясынын тизмеси менен Осмонбек Артыкбаевдин ордуна депутат болмокчу.
Жогорку Кеңеш депутаты Самат Ибраев
© Фото / пресс-служба Жогорку Кенеша
Артыкбаев Бишкек ТЭЦинин модернизациясына байланыштуу кылмыш иши боюнча күнөөлүү деп табылып, мандатынан ажыратылган.
