БИШКЕК, 19-мар. — Sputnik. Кыргызстанда Бирдиктүү салык декларация кампаниясынын экинчи этабынын мөөнөтү (2019-жылдын жыйынтыгы боюнча) жылдырылат. Бул тууралуу премьер-министр Мухаммедкалый Абылгазиев Жогорку Кеңеште коронавируска каршы күрөш боюнча отчёт берип жатып билдирди.
19 Жалган Куран 2020, 14:45
Мамлекеттик салык кызматынын маалымат катчысы Эркин Сазыков эми өкмөт декларация тапшыруунун жаңы мөөнөтүн аныкташы керектигин Sputnik агенттигине билдирди.
Негизи кампания 1-апрелге чейин созулмак. Бирдиктүү салык декларациясын мамлекеттик жана муниципалдык кызматкерлер, жеке ишкерлер, патент алгандар, жеке жактар, транспорт, батир, үй жана жер участогу барлар тапшырышы керек.
Мындан сырткары, юридикалык жакты түзбөстөн эле айыл жана фермердик чарба жүргүзгөндөр дагы декларация тапшырууга милдеттүү.
