БИШКЕК, 1-мар. — Sputnik. Ирандын Бендер-Аббас шаарынын тургундары коронавируска кабылган бейтаптар жатат делген ооруканага өрт коюшту.
ساعتی پیش و درپی انتشار خبری درباره نگهداری چند بیمار مبتلا به #کرونا در درمانگاه شهرک توحید بندرعباس، شماری از مردم معترض به این اقدام با هجوم به درمانگاه، بخشی از آن را به آتش کشیدند. pic.twitter.com/CQVM7noFcQ
— ايران اينترنشنال (@IranIntl) February 28, 2020
29-февраль күнү болгон окуянын видеосун Iran International телеканалы өзүнүн Twitter-аккаунтуна жарыялаган.
Анда көрүнүп тургандай, дарбазанын ары жагында ооруканалардын биринен жалындаган өрт чыгып жатат. Шаардыктар окуяга көз салып турушкан.
Телеканалдын айтымында, медициналык мекемени жергиликтүү тургундар өрттөөгө аракет кылышкан. Алар коронавируска кабылган ондой адамдын ооруканага алып келинишине нааразы болушкан.
"Бир нече убакыт өткөндөн кийин өрт өчүрүлгөн. Андан жабыркаган, каза болгондор катталган эмес", — деп жазылат билдирмеде.
Бул вирустан Ирандын Ватикан жана Египеттеги мурдагы элчиси Хади Хосроушахи көз жумуп, саламаттык сактоо министринин орун басары Ирадж Харирчи жуктуруп алганы кабарланган. Акыркы маалымат боюнча Иранда вирусту жуктуруп алгандардын саны 978ге жетти. Анын 54ү каза болду.
Ал эми Дүйнөлүк саламаттык сактоо уюмунун маалыматы боюнча коронавирус Кытайдан тышкары 53 мамлекетке жайылып кеткен. Жуктуруп алгандардын саны 6000ден ашса, анын 86сы көз жумду. Европада дартка чалдыккандардын саны боюнча Италия алдыда турат.
