БИШКЕК, 28-фев. — Sputnik. Жалал-Абаддын Сузак районундагы Бек-Абад айылынын жашоочусу Мадина Рахмидин кызы издөөгө алынды. Бул туурасында облустук милициядан кабарлашты.
Жалал-Абаддын Сузак районундагы Бек-Абад айылынын жашоочусу Мадина Рахмидин кызы издөөгө алынды.
© Фото / Пресс служба УВД Джалал-Абадской области
23-февраль күнү болжол менен 11:30дар чамасында 17 жаштагы кыз үйүндөгүлөр менен урушуп, андан соң чыгып кеткен. Андан бери кайда экендиги билинбей, белгисиз болуп жатат.
Мадинанын бою болжол менен 165-170 сантиметр. Кара күрмө, көк кофта жана кара жинсы кийип жүргөн. Башына сыя көк жоолук салынып алган.
Эгерде Мадина туурасында маалымат билгендер болсо, (03748) 5-02-09, (0777) 80-65-68, (0550) 31-31-22 телефондоруна чалуу керек.
