БИШКЕК, 19-фев. — Sputnik. Балага кесип тандоого жардам берип жатканда ата-эне алгач өз мисалында жумуш каражат табуунун гана эмес, ырахат алып, бактылуу жашоонун дагы маанилүү булагы экенин көрсөтүшү керек. Бул тууралуу Sputnik Азербайжан агенттигине билим берүү жаатында адис Нигяр Гадашева айтып берди.
"Көпчүлүк адамдар кесиптерди "барктуу" жана "жөнөкөй" деп экиге бөлүшөт. Бирок балага кичинесинде бул жөнүндө айтпай, ар бир кесиптин өз орду, жоопкерчилиги, артыкчылыгы жана кемчилиги бар экенин түшүндүрүү керек. Ошондой эле балага жумуш акча гана эмес, ырахат тартуулашы керектигин жеткирүү зарыл", — деди Гадашева.
Мындан тышкары, адис ата-эне баланын көңүлүн гана карабай, шык-жөндөмүнө жана экзаменден келечектеги кесибине байланыштуу сабактар боюнча кандай баа аларына басым жасашы керектигин эскертти.
