БИШКЕК, 11-фев. — Sputnik. Аралаш мушташ (MMA) Invicta FC 39 турнирине чыккан америкалык мушкер Эрин Бланшфилд укмуштуудай соккусу менен жеңишке жетти.
Erin Blanchfield just gave us a KO of the year contender for Invicta! #InvictaFC39 pic.twitter.com/0lYybu1ysn
— UFC FIGHT PASS (@UFCFightPass) February 8, 2020
Беттештин видеосу UFC Fight Рass Twitter аккаунтуна жарыяланды. RT телеканалынын билдиришинче, америкалык спортчу АКШдагы Канзас-Сити шаарында өткөн турнирде Виктория Леонардо менен беттешкен.
Экинчи раундда Бланшфилд чабуул жасап, атаандашын кулак түпкө тээп сулаткан. Катуу соккудан улам жерге жатып калган Викторияны бир саамдан кийин рефери өзүнө келтирген.
Бланшфилд спорттук карьерасында беш жолу жеңишке жетип, бир ирет жеңилүү ызасын тарткан.
