БИШКЕК, 29-дек. — Sputnik. Борбор калаада жаңы жылдык фейерверктер, салюттар 30дан 130 метрге чейинки бийиктикте атылат. Бул абанын булганышына анча көп таасирин тийгизбей турганын Бишкек мэриясынын маалымат кызматы билдирди.
Айлана-чөйрөнү коргоо жана токой чарбасы мамлекеттик агенттигинин өкүлү Аязбек Кыдыргычев жергиликтүү ЖМКнын бирине берген маегинде фейерверктер 30-130 метр бийиктикте атылышы керектигин айткан.
Мэриянын билдиришинче, майрамга карата 683,6 миң сомго салют сатып алынган, асманга алты мүнөт атылат. Ал салюттар бардык талаптарга ылайыкташтырылган, экологияга анча көп зыян келтирбейт.
