БИШКЕК, 19-дек. — Sputnik. "Бишкек сулуусу — 2019" сулуулук сынагынын жеңүүчүсү Ширин Намазбекова болду. Бул тууралуу Sputnik агенттигине уюштуруучулар билдирди.
"Бишкек сулуусу — 2019" сулуулук сынагынын жеңүүчүсү Ширин Намазбекова болду
© Фото / Азамат Матисаков
Сынак кечээ, 18-декабрда, борбордогу банкет залдардын биринде болду. Наам үчүн 16 жаштан 28 жашка чейинки 30 селки ат салышты.
Сынак кечээ, 18-декабрда, борбордогу банкет залдардын биринде болду
© Фото / Азамат Матисаков
Жеңүүчүгө таажыны шаардын былтыркы сулуусу Сезим Асранкул кызы такты.
Таажынын жаңы ээси 21 жашта. Ал Жусуп Баласагын атындагы Кыргыз улуттук университеттин юридикалык факультетинде окуйт.
Биринчи вице-мисс Табият Өскөнбаева болду. Экинчи вице-мисс деп Ясмина Сивожелезова табылса, үчүнчү вице-мисс наамына Айжан Талантбекова татыды. "Бишкектин супермодели" атайын наамын Айгүл Бектемирова жеңип алды.
Аталган сынак 2012-жылдан бери өтүп келет.
