БИШКЕК, 19-ноя. — Sputnik. Казакстандын Нур-Султан шаарында бурганак менен жааган кардан улам кенже класстын окуучуларынын сабактары токтотулгандыгын Sputnik Казакстан билдирди.
18 Жетинин айы 2019, 11:02
Окуунун токтошу биринчи сменадагыларга тиешелүү экенин айтышты. Борбор шаардын билим берүү башкармалыгы катуу шамал болуп, айлана-тегеректи көрүү начарлагандыктан ушундай чечим кабыл алынгандыгын айтышты.
Акмоло обулусунда да окуучулар мектепке убактылуу барбай турган болду. Ал эми экинчи сменадагы сабактар токтотулабы-жокпу, кийинчерээк айтылмакчы.
Буга чейин Өзгөчө кырдаалдар департаменти Нур-Султан шаарынын аймагы боюнча шашылыш билдирүү түшкөнүн кабарлаган. Казгидрометтин маалыматында 19-ноябрда кар түшүп жана бурганак болуп, шамалдын ылдамдыгы секундасына 15-18 метрге жетери айтылды.
Маалыматты билим берүү боюнча башкармалыктын органдары таратууда.
Калтырылган сабактар каникулдун же сабактарды узартуунун эсебинен толукталаары кошумча кабарланды.
