Фурадагы 39 кишинин сөөгү: маркумдар кытай жараны эмес, башка болуп чыкты

© REUTERS / PETER NICHOLLSСотрудники полиции у фуры, в которой нашли тела 39 человек, Эссекс, Великобритания. 23 октября 2019 года
Сотрудники полиции у фуры, в которой нашли тела 39 человек, Эссекс, Великобритания. 23 октября 2019 года - Sputnik Кыргызстан
Жазылуу
39 кишинин сөөгү 23-октябрда Грейс аймагынан табылган. ЖМКлардын жазышынча, жүк ташуучу автоунаанын муздаткыч бөлүмүнө салынган кишилердин бардыгы тоңуп калган.

БИШКЕК, 3-ноя. — Sputnik. Англиянын Эссекс графтыгында жүк ташуучу автоунаанын муздаткыч бөлүмүнөн табылган маркумдардын бардыгы Вьетнамдын тургундары экени аныкталды. Бул тууралуу Euronews өлкөнүн укук коргоо органдарына таянуу менен билдирди.

Маалыматка караганда, маркумдардын толук аты-жөнү тергөөнүн кызыкчылыгы үчүн азырынча айтылбайт.

Вьетнамдын премьери Нгуен Суан Фук жарандардын өлкөдөн мыйзамсыз чыгып кетиши боюнча иликтөөнү баштоону тапшырды. Ал эми өлкөнүн Тышкы иштер министрлигин абалга көз салып, тергөө иштерине жардам берүү үчүн Британия менен кызматташууга чакырды.

Буга чейин табылган маркумдардын бардыгы Кытайдын жарандары болушу ыктымалдыгы айтылган.

Сотрудники полиции у фуры, в которой нашли тела 39 человек, Эссекс, Великобритания. 23 октября 2019 года - Sputnik Кыргызстан
Дем жетпей өлүп баратам... 39 кишинин сөөгү табылган фуранын жаңы жагдайлары
Эске салсак, 39 кишинин сөөгү табылган жүк ташуучу автоунаа Грейс шаарындагы өнөр жай зонасынан табылган. ЖМКлардын жазышынча, жүк ташуучу автоунаанын муздаткыч бөлүмүнө салынган кишилердин бардыгы тоңуп калган. Транспорт 19-октябрда Британияга Бельгиядан келген.

Кийин кылмыш ишине шектүү катары эки киши кармалган. Дагы үч киши бул ишке катыштыгы бар болушу мүмкүн деп колго түшкөн. Бирок күрөө кепилдиги менен ноябрдын ортосуна чейин бошотулушкан болчу.

 

 

Жаңылыктар түрмөгү
0