БИШКЕК, 26-окт. — Sputnik. Англиянын Эссекс графтыгында табылган жүк ташуучу автоунаанын ичинде тоңуп калган маркумдар өлөр алдында туугандары менен байланышууга аракет кылышкан. Бул тууралуу ВВС жазып чыкты.
Полиция 39 кишинин тоңуп калган сөөгү салынган фураны Англиянын чыгышынан тапкан. Ал Грейс шаарындагы өнөр жай зонасына токтотулган. Автоунаа 19-октябрда Болгариядан келген. Кийин маркумдар Кытайдын жарандары экени белгилүү болгон.
ВВС каналынын жазышынча, фурадан табылган маркумдардын арасында Вьетнамдын да жашоочулары болушу мүмкүн. Вьетнамдын 26 жаштагы тургуну Фам Тхи Тра Маянын туугандары журналисттер менен байланышып, каргаша болор күнү алар билдирүү алышканын айтышкан. Мая ата-энесине дем жетпей жатканы боюнча кат жазып, ошол бойдон байланышка чыккан эмес.
Tra My's photo, posted with permission from her family's contact pic.twitter.com/n3MvlvcFQn
— Hoa Nghiem (@HoaNghiem3) 25 октября 2019 г.
"Апа, мени кечириңиз. Чет жакка кетүү тилегим ишке ашпай калды. Сизди, атамды аябай жакшы көрөм. Дем жетпей жатат, өлүп баратам", — деген билдирүүнү ата-энесине жөнөткөн.
"I'm sorry https://t.co/YHiPyQ3tVM path to abroad doesn't succeed. Mom, I love you so much! I'm dying bcoz I can't breath...I'm from Nghen, Can Loc, Ha Tinh, Vietnam... I am sorry, Mom". Last text from a 26yo girl made her family worrried that she was among #39people #essexlorry
— Hoa Nghiem (@HoaNghiem3) 25 октября 2019 г.
Ал акыркы билдирүүнү шейшемби күнү саат 22:30да жөнөткөн.
Маянын агасы Фам Тхи Ча Ми карындашы Британияга жетүү үчүн 30 миң фунт (38 миң доллар) төлөгөнүн айткан.
"Ал Кытайга учуп кеткен. Эки күндөн кийин Францияга келген. Ал барган мамлекеттен бизге чалып турчу. Британиянын чек арасынан биринчи жолу 19-октябрда өтүүгө аракет кылган, бирок кармалып калып артка жиберилген. Окуя кайсы портто болгонун билбейм", — деген ал.
Ошондой эле фурада тоңуп калгандардын арасында Вьетнамдын 20 жаштагы тургуну Нгуен Динь Луонг жана 19 жаштагы кыз да болушу ыктымал.
Кишилерди тобу менен өлтүрдү деген шек менен Түндүк Ирландиянын 25 жаштагы жашоочусу Мо Робинсон кармалды. Кийин адам сатуу боюнча жең ичинен сүйлөшүп алган деген шек менен 38 жаштагы аял менен 38 жана 48 жаштагы эркек кишилер кармалган.
