Москва көчөсүндөгү кесилиштер качан ачылат? Мэриянын жообу

Жазылуу
НовостиTelegram
Мэрия калаа тургундарын асфальт төшөлө турчу аймакка техниканын тоскоолдуксуз иштөөсү үчүн автоунааларды токтотпоону суранат.

БИШКЕК, 25-окт. — Sputnik. Эртең, 26-октябрда, Москва көчөсүндөгү көчөлөрдүн кесилиши транспорт үчүн ачылат. Бул тууралуу Бишкек мэриясынын капиталдык курулуш башкармалыгынан кабарлашты.

Москва көчөсүндөгү Панфилов, Логвиненко жана Исанов көчөлөрүнүн кесилиши оңдоо үчүн 24-октябрда жабылган болчу.

"Асфальт Москва көчөсүнөн чыгышты карай төшөлүп жатат. Тилекке каршы, иштер саат канчада бүтөрүн так айтуу кыйын. Бүгүн түштөн кийин техника Логвиненко көчөсүнө жетет. Ал жакта эки сааттай иштеп, андан ары жылат. Эртең дагы түштөн кийин асфальт Панфилов көчөсүнө төшөлүп бүтүп, аталган көчөлөрдүн кесилиши транспорт үчүн ачылат", — деп айтылат маалыматта.

Мэрия калаа тургундарын асфальт төшөлө турчу аймакка автоунааларды токтотпоону суранат.

Ал эми Москва көчөсү толугу менен 31-октябрда ачылат.

Жаңылыктар түрмөгү
0