БИШКЕК, 7-окт. — Sputnik. Кыргызстандын шаар, аймактарында "Кан басымыңды билип ал" акциясы өтүп жатат. Бул тууралуу Саламаттык сактоо министрлигинен кабарлашты.
Билдирмеге ылайык, ден соолук акциясы шаар жана район борборлорунда 7-октябрдан 11-октябрга чейин өтөт. Ал эми айылдарда октябрдан ноябрь айына чейин созулат. Мындай акция Бишкек шаарында 23-сентябрдан 30-сентябрга чейин өткөн.
Кан басымды текшере турган айрым район, шаарлардагы пункттардын тизмеси:
Кемин району
- Энергосбыт, Жибек Жолу көчөсү, 63;
- Үй-бүлөлүк дарыгерлер борбору, Абдубачаев көчөсү, 27;
- РСК, Бозоев көчөсү, 4;
Токмок шаары
- № Үй-бүлөлүк дарыгерлер тобу, Гагарин көчөсү, 164;
- "Глобус" гипермаркети, Ленин көчөсү, 253;
Каракол шаары
- ЦУМ "Народный" дүкөнү, Жантаев көчөсү, 43;
- Почта, Гебзе көчөсү, 124;
- РСК, Токтогул көчөсү, 271;
- "Восход" үй-бүлөлүк дарыгерлер тобу, Восход кичи району 13-үй;
- "Назик" үй-бүлөлүк дарыгерлер тобу, Мичурин көчөсү, 1А;
- "Үмүт" үй-бүлөлүк дарыгерлер тобу, Абдрахманов көчөсү, 121;
- Үй-бүлөлүк дарыгерлер борбору, Абдрахманов көчөсү, 121;
Саламаттык сактоо министрлигинин маалыматында көп адам өзүнүн кан басымы кандай экенин билбей турганы, билгендер кан басымы жогору болсо да медкызматкер жазып берген дары-дармекти ичпей жүрө берери айтылат. Акцияда ар бир жаран кан басымын билип, эгер көтөрүлүп кетсе, медкызматкерден бекер кеңеш ала алат.
Биздин Telegram-каналга жазылыңыз.
