БИШКЕК, 8-сен. — Sputnik. Маданият, маалымат жана туризм министрлиги Комуз күнүнө карата өтө турчу иш-чаралардын тизмесин жарыялады.
Эске салсак, президент Сооронбай Жээнбеков 9-сентябрь — Кыргызстанда комуз күнүн белгилөө боюнча Жарлыкка кол койгон.
Майрамга карата өтө турган иш-чаралардын тизмеси төмөнкүдөй:
— "Кыргыз комузу жана комузчулук өнөрү" аттуу илимий-практикалык конференция. Башталышы: 9-сентябрь, 10:00. Калый Молдобасанов атындагы Кыргыз улуттук консерваториясы, Бишкек;
— Бишкек шаарындагы Токтогул Сатылгановдун айкелинин алдындагы эскерүү иш-чарасы. Башталышы: 9-сентябрь, саат 12:30. Абдылас Малдыбаев атындагы Кыргыз улуттук академиялык опера жана балет театрынын жанындагы Токтогул Сатылгановдун айкелинин алды;
— "Комуз — улуттук сыймык" аттуу залкар комузчулардын көргөзмөсү. Башталышы: 9-сентябрь, 16:30. Токтогул Сатылганов атындагы Кыргыз улуттук филармониясынын фоеси;
— "Таңшы комуз" гала концерти. Башталышы: 9-сентябрь, 18:00. Токтогул Сатылганов атындагы Кыргыз улуттук филармониясынын чоң залы.
Белгилей кетсек, быйыл комуз күнү биринчи ирет белгиленет.
