БИШКЕК, 5-сен. — Sputnik. 11-сентябрда редакциянын пресс-борборунда "Россия сегодня" эл аралык маалымат агенттигинин башкы редакторунун орун басары, продюсер жана медиа-менеджер, МГУнун журналистика кафедрасынын улук окутуучусу Наталья Лосева жолугушуу өткөрөт.
Ал медиадагы жаңы мүмкүнчүлүктөр жана тенденциялар, виртуалдык долбоорлор тууралуу айтып берет. Мастер-класстын темасы "Журналистикадагы иммерсиялык форматтар. VR/AR подкасттар".
Иш-чарага кызыккан бардык журналисттер чакырылат. Катышуу үчүн 10-сентябрь саат 17:00гө чейин 0312 98-69-38, 0557 99-19-99 номерлери аркылуу катталуу керек.
SputnikPro — бул Россиянын мыкты медиа-менеджерлеринин жана алдыңкы адистеринин презентация жана мастер-класстары. Алар өз тажрыйбаларын журналисттер, маалымат катчылар, жогорку курстун студенттери менен бөлүшөт.
Белгилей кетсек, SputnikPro долбоору 2018-жылы жазында башталып, 13 өлкөдө өттү.
Sputnik Кыргызстан — 32 тилде жарык көргөн мультимедиалык интернет-сайттардан турган эл аралык ири ЖМКнын бир бөлүгү. Ал өзүнө дүйнөнүн 90дон ашык шаарларында жана интернетте орус, англис, француз жана башка тилдерде сүйлөгөн радиолорду камтыйт.
Sputnik "Россия сегодня" медиатобунун курамына кирет. Башкы кеңсеси Москва шаарында.
Sputnik сайттары постсоветтик мамлекеттерде иштей баштагандан тарта өзүнүн контентинин жаңычылдыгы жана технологиялык форматы менен жергиликтүү ЖМКлар арасында алдыңкы орундарга чыкты.
Sputnik порталы жакынкы чет өлкөдө улуттук тилде жана орус тилинде маалыматтарды окурмандарга сунуштайт. Сайттан инфографика, видео, сүрөтбаян, онлайн-эфир, интернет-добуш берүү жана подкасттарды таап окусаңыз болот. Ыкчам маалыматтардан сырткары аналитикалык макалалар жана эксклюзивдүү маектерди таба аласыз.
