БИШКЕК, 29-авг. — Sputnik. Чычкан дарыясынан 28-августта беш жашар баланын сөөгү табылганын ӨКМдин маалымат кызматы билдирди.
Ага ылайык, 25-августта Бишкек — Ош унаа жолунун 235-чакырымында (Ак-Көл тилкеси) сууга беш жашар бала түшүп кеткен.
"28-август күнү издөө иштерин улантуу үчүн ӨКМден 61 куткаруучу, ИИМден 10 кызматкер жана туугандарынан 20 адам тартылган", — деп айтылат маалыматта.
Баланын сөөгүн саат 18:10до суудан чыгарып, туугандарына өткөрүп беришкен.
