БИШКЕК, 29-авг. — Sputnik. Кытайдын Ош шаарындагы Башкы консулдугу ишин убактылуу токтотту. Бул тууралуу аталган өлкөнүн Кыргызстандагы элчиси Ду Дэвень маалымдаганын Тышкы иштер министрлиги кабарлады.
28-августта тышкы иштер министринин орун басары Нурлан Абдрахманов Ду Дэвень менен жолуккан.
"Элчи дипломатиялык өкүлчүлүктүн ишин жакшыртуу үчүн Кытай тарап Оштогу Башкы консулдуктун ишин убактылуу токтотконун билдирди", — деп айтылат маалыматта.
11 Баш оона 2019, 13:21
Башкы консулдуктун иши жанданганга чейин консулдуктун кызматы Бишкектеги элчиликтен көрсөтүлөт. Дипломатиялык өкүлчүлүк ишин качан баштары так айтылган эмес.
Айта кетсек, 2019-жылдын август айынын башында Кытайдын элчилиги Солтон-Сарыдагы чыр-чатактан улам билдирүү таратып, кыргыз бийлигине бир нече талап койгон.
