БИШКЕК, 25-авг. — Sputnik. Өзбекстандын президенти Шавкат Мирзиёевди кайтара турган жаңы кызмат түзүлдү. Аталышы — Президенттин коопсуздугу боюнча мамлекеттик кызмат. Бул тууралуу Sputnik Өзбекстан жазды.
Мурда бул милдетти Улуттук коопсуздук комитети аткарчу.
"Жаңы ведомство бир гана өлкө башчыны кайтарбастан, анын үй-бүлө мүчөлөрүн жана Өзбекстанга расмий иш сапары менен келген башка өлкөлөрдүн президенттеринин коопсуздугун карамакчы. Ошондой эле алардын көзөмөлүндө Мирзиёев дайыма иштеген жана убактылуу барган объектилер болот", — деп айтылат билдирүүдө.
Аталган кызмат президенттин токтому менен 2018-жылдын 21-февралында түзүлө баштаган.
