БИШКЕК, 8-авг. — Sputnik. Кой-Таштагы кырдаалдан жаракат алган Чүй облустук ИИББдин жетекчиси Самат Курманкуловго жасалган операция аягына чыгып, жасалма дем алдыруу аппаратына туташтырылган. Бул туурасында Саламаттыкты сактоо министрлигинин маалымат кызматынан билдиришти.
Дал ошол операция учурунда Курманкулов мээси чайкалып, оор жаракат алган. Ага Бишкек шаардык травматология жана ортопедия илим изилдөө борборунда баш сөөктү тешүү (трепанация) жолу менен операция жасалып, жандандыруу бөлүмүнө жаткырылган.
"Самат Курманкуловго операция жасалып бүттү. Дарыгерлер өмүрүн сактап калуу үчүн болгон күчүн жумшады. Учурда ал жандардыруу бөлүмүндө, өзүнө келе элек (комада). Өпкөсү жасалма дем алдыруу аппаратында. Дарыгерлер абалын оор деп баалашууда", — деп айтылат маалыматта.
Учурда Sputnik Кыргызстан агенттиги тексттик трансляция жүргүзүп жатат.
