Кабарчыбыздын айтымында, мурдагы президентти кармоо операциясы оңунан чыкпай калгандан кийин Атамбаевдин тарапташтары атайын даярдыктагы аскерлерди куралсыздандырышкан. Айрым кишилер жоокерлерди ур-тепкиге алууга аракет кылганда, кээси аларды токтотуп, аскерлерди коргоого алышкан.
"Спецназ аскерлеринин бирин эркектер тегеректеп алып, башкалардан коруду. Бошонгондон кийин ал сууну көздөй чуркады. Караңгы болгондуктан анын чуркап баратканы жакшы көрүнгөн жок. Эс-учун жоготкон экинчи аскерди алып келе жатышты. Анын денеси кан экен. Тез жардам кызматынын дарыгерлери аны шаардагы ооруканага алып кетишти", — деди кабарчы.
Бул кырдаалга байланыштуу президент Сооронбай Жээнбеков Коопсуздук кеңешинин жыйынын өткөрүп, Атамбаевдин аракеттерине өз баасын берди.
Учурда Sputnik Кыргызстан агенттиги тексттик трансляция жүргүзүп жатат.
