БИШКЕК, 7-авг. — Sputnik. Бишкек — Ош автоунаа жолунун Төө-Ашуудагы Кусеин Көлбаев атындагы туннель желдетүү системасы оңдолуп жатканына байланыштуу маал-маалы менен жабылып турат. Бул туурасында Транспорт жана жолдор министрлигинен билдиришти.
Желдетүү системасын оңдоо иштери жыл сайын ушул маалда пландуу түрдө жасалат. Буга байланыштуу быйыл 8-августтан 5-сентябрга чейин автоунаалар туннелден атайын график менен өткөрүлөт.
График төмөндөгүчө:
- 08:00-09:30 — оңдоо иштери жүрүп, жабылат;
- 9:30-14:00 — автоунаалардын өтүүсүнө жол ачылат;
- 14:00-15:30 — оңдоо иштерине байланыштуу жабылат;
- 15:30-08:00 — автоунаалардын өтүүсүнө жол ачылат;