БИШКЕК, 27-июл. — Sputnik. Кытайдын Уань шаарынын 54 жаштагы тургуну Ли Яньсяны сот 20 жылга кести. Ал буга чейин 118 баланы асырап алган болчу. Мындай маалыматты BBC телеканалы билдирди.
Сот аялды 338 миң доллар айыпка жыгып, аны 15 жардамчысын коркутуп акча талап кылган, документтерди жасаган жана алдамчылык менен алектенген деп күнөөлөдү.
11 Чын Куран 2019, 18:18
Ли Янься 1996-жылдан тарта жетим балдарды асырап ала баштаган. Ал 2007-жылы "Сүйүү айылы" аттуу балдар үйүн негиздеген. Андан бери аял бир кыйла байыган. Полиция анын банктагы эсебиндеги 3 миллион долларды камакка алды. Ошондой эле кымбат баалуу машиналар менен кыймылсыз мүлкү да бар экени аныкталган.
Аялга өзүнүн жеке кызыкчылыгы үчүн балдарды колдонгон деген кине да коюлууда. Полициядан кабарлашкандай, Янься мамлекет, демөөрчүлөр жана ыктыярчылар тарабынан бөлүнгөн акчаларды өзүнө ыйгарып алганы териштирүү учурунда белгилүү болгон. Андан сырткары, балдар үйүнө ата-энеси бар эле өспүрүмдөр да алынганы тастыкталган.
